Argia astekaria webgunearen hasiera

Publizitatea ez da aski. Irrati libre izanik ere, diru publikoa du iturri nagusi. Sosen biltzeko, Pau, Bordele eta Pariserat begira jartzen dira, Eusko Jaurlaritzatik berriz, % 8 inguru jasotzen dute. Halaxe, Baionako lokala erostearen kariaz, bi ardatz nagusi dituen kanpaina iraunkorrari ekin zioten: entzuleen sustengua bilatzen zuena batetik (jada arrakastaz burutua), eta herriko etxeetara zuzendurikoa bestea, biztanle bakoitzeko libera bat jasotzea ahalbidetuko lukeena. Ondorioz, Lapurdiko 42 herriko etxeetatik 37k laguntzen dute. Baionako udalak gainera, lehenaldikotz laguntza emanen dio Gure Irratiari. Datu zinez adierazgarria, emisora hasi zenetik 18 urte iragan direlarik, laguntzak beti ukatu izan baitizkio. Beskoitzeko Udalak ere beste hainbeste egin du.
Orain, Hegoaldeko udaletara jo dute. Nahiz eta batzuen ustez, horrek eskale kutsua hartu, zenbait arrazoi dago horretarako. Alde batetik, Frantziako Estatuak euskarari ofizialtasuna eman arte, euskara kinka larrian dagoelako Iparraldean. Euskaltzaleek aldapa malkartsua dute zernahi egiteko. Bestetik, Gure Irratiaren izaera bera dugu, Euskal Herria bere osotasunean hartzen dute-eta, ikusmolde nazionala emanez, bai kontzeptuan, bai mamian, baita aipatzeko eran ere. Gauzak horrela, Hegoaldeko udal guztietara jo dute. Momentuz, 25 udalek eskaera aztertzen dihardute. Beste 11k aldiz, baietza eman diete.

diosku Agus Hernan Gure Irratiko zuzendariak.