artikulu nagusira itzuli
MAHAIKIDEAK
Jon Sarasua. Mondragon Unibertsitateko irakaslea
Bertsolari, kazetari eta soziologo. Aretxabaletarra da, aita bailarako kooperatibetako aitzindarietakoa. Kulturaren munduan jardun du lanean —eta jarraitzen du— baina azken bi ikasturteetan Mondragon Unibertsitatearen barruan Humanitate eta Hezkuntza zientzien fakultatean irakasle da. Kooperatiben iragana, oraina eta etorkizunaren klabeak jorratzen dituen Kooperatibismoaren Unibertsitate Institutuko kide ere bada.
Jose Maria Ormaetxea. Arrasateko Kooperatiben sortzailetakoa
Arrasaten 1956an sortu zen Ulgor kooperatibaren sortzaileetakoa. Jubilatua jada baina kooperatibaren aholkularitzan buru belarri murgildua jarraitzen du oraindik. Beste kargu askoren artean, Ularco taldeko lehen lehendakaria, Euskadiko Kutxako, Arrasateko Kooperatiben Taldeko (egungo MCC) lehendakari. Liburu eta artikulu ugari idatzi du Arrasateko kooperatiben esperientziaz. Erreferentzia ezinbestekoa.
Javier Salaberria. Euskadiko Kooperatiben Konfederazioko Lehendakaria
Zuzenbidean lizentziatua, gaztetatik dihardu kooperatibaren munduan, 1969tik, giza baliabideak eta aholkularitza juridikoan. Ulgorreko Kontseilu sozialeko bokala, Fagorreko Kontseilu Errektoreko Lehendakaria eta Fagor Taldeko Lehendakariordea izandakoa. LKS aholkularitza kooperatibakoa da, zenbait publikazio du eta gaur egun Kooperatiben Konfederazioa zuzentzen du.
Antxon Mendizabal.Ekonomia irakaslea EHUn
EHUko ekonomia irakaslea da Leioako Kanpusean eta Elkarte Anonimo Laboralei buruzko tesia jorratzen ari da. Bere esperientzia kooperatibo zuzena lau urtez Euskadiko Kutxan aritzetik datorkio, baina «Arrasateko militante sozial eta politikoa» den neurrian, zeharka bada ere gertutik jarraitu izan du kooperatiben bilakaera. Kooperatibak aztertzen dituen GEZKI erakundeko kidea da eta autoeraketa da bere ikerketa eremua.
Erantzunak
Erantzunik ez dago.
Izartxoaz (*) markaturiko datuak derrigorrez bete beharrekoak dira.
Lege Oharra
RSS sindikazioa