Harrigarria da inor kexu agertu ez izana, baina gure uste apalean «100% vascos» oilategian euskaldunon kontura botatzen direnak erdaldunen kontura botako balira, legebiltzarrean agerraldia egin beharko luke Bingen Zupiria ETBko zuzendariak. Lehengoan kasu, «cashero» hitza modu iraingarri batez erabili zuten, eta publikoa noski, barrez

Uderzo eta Goscinyren pertsonaiak aurten 40 urte bete dituela profitatuz, galiar hauen marrazki filmak eskainiko dituzte ETB-1ean, horien artean, azkena den «Asterixek Amerika konkistatzen du» dagoelarik. Bakezale hauen 362 borroka, 49 oturuntza eta 12 musuak bi astetan zehar eta «Gaur Egun»en aitzinetik izango dira ikusgai

«Copycat» thrillerrean Sigourney Weaverrek agorafobia duen psikologo baten azalean sartu eta ohiko biktima ausartaren rola egingo du, bere paziente ohia den hiltzaile porrokatuari aurre egin nahian. Azken ordu erdiak bereziki, arnas estuka utziko zaituzte, ikarak barne. Hitzordua hilaren 21ean, igandea, gaueko 21:20an duzue