Argia astekaria webgunearen hasiera

Nolatan lortzen dituzte horrelako prezio merkeak Korean? Inolako zalantzarik gabe, prezioen beherakada horrek lotura estua du lan baldintzekin. Korean, erdia kobratuz ordu kopuru bikoitza egiten dute lan. Koreako untzioletako soldata Europakoen erdia da, eta lanaldia berriz urtean 2.500 eta 3.000 ordu artekoa, hau da, Europakoa baino % 50 gehiago.
Gainera, Nazioarteko Moneta Fondoak krisialdia gainditzeko emandako dirua hartu behar da kontuan, Koreak, neurri handi batean, sektorea finantzatzeko xedatu baitu. Horren ondorioz, prezioen beherakada izugarria etorri da, eta Europako enpresek, sindikatuek eta gobernuek susmoa dute Asiako enpresak «dumping» jarduerak (fabrikazio prezioen azpitik saltzea) eta lehia desleiala gauzatzen ari ote diren. Koreako untziola batek ohikoa baino % 30 merkeago saltzen du. Metaleko Langileen Europako Federazioaren arabera, Koreako untziola batek 5.500 TEUko (edukinontzien pisu unitatea) gaitasuna duen edukinontziak eramateko untzi bat 55 milioi dolarretan (8.415 milioi pezetatan, 337 milioi liberatan) eskaintzen du, eta iaz 88 milioi dolar eskatzen zituen 4.800 TEUko gaitasuna zuen gisa bereko untzi baten truke. Prezioen beherakada honek mundu osoko sektoreari eragin dio, eta gaur egun, mundu osoan, batez beste, iaz baino % 15 merkeago dira eskaintzak