Argia astekaria webgunearen hasiera

Lehen aipatu dugun moduan, kobazulo hau Leze sakonunearen hustubide naturala da. Erne, bada, eguraldi baldintzekin zeharkaldia abiatu baino lehen. Ekaitz bortitz batek ibilaldi entretenigarri eta dibertigarria izango zatekeena, ezatsegina bihurtu baitezake, eta baita arriskutsua ere. Horrelako kasuetan, hau da, urjauzien ura bat-batean nabarmen igotzen bada, leku babestu batean ur mailaren jaitsiera itxarotea komeni da, ondorio larriak ekar baititzake aurrera egiten ausartzeak.
Erne ere, erabiltzen den materialarekin. Kobazuloa hain ezagun denez, askotan duen zailtasuna gutxietsi egiten da eta ez dira behar diren babes neurriak hartzen. Jantzi egokiak (neoprenozko trajea) eta ordezko 30 metroko soka batek, hotza dela-eta edota soka engantxatua gertatzen den kasuetan, ezustekoak saihesten lagun gaitzakete.
Esan, azkenik, 1994. urtean telebistarako programa baten filmaketari esker, Arabako Espeleologi Taldeak kobazuloko zailtasun nagusiak berriro islatu zituela, eraztun eta sokazko heldulekua duen ainguraketa bikoitza ipiniz putzu edo salto guztietan