Argia astekaria webgunearen hasiera

Orereta Ikastolak egin zuen bigarren eskaerari erantzunez, 1983ko abenduaren 22an Gipuzkoako Ikastolen Elkarteak Orereta Ikastola aukeratu zuen hurrengo urteko Kilometroak antolatzeko. Egun horretatik aurrera ikastolako eta bere inguruko makineria guztia jaialdiaren antolaketan hasi zen. Desafio handia zen ikastolarentzat, eta baita herri osoarentzat ere.

Koordinatzaile bat izendatu ondoren dozena bat pertsona inguru lanean hasi zen martxoaren hasieran. Lan talde honek, gerora jarraipenik izan ez duen, Gipuzkoako Ikastolen lehen olinpiada antolatu zuen. Lan handiko ekintza izan zen hau, baina parte hartu zuten haurrek kirola euskaraz eta euskal giroan egin daitekeela ikusi zuten.

Urriaren 7a hurbildu ahala lan taldea handitzen joan zen. Azken egunean ikastolako guraso, ikasle, irakasle eta herriko beste pertsona eta erakundeen artean, guztira 1.500 pertsonek hartu zuten parte antolaketa lanetan.

Edizio hark gorespen handia jaso zuen antolaketan egin zen ahalegin eta emaitzagatik. Eta jende aldetik ordura arteko edizio guztien parte hartze markak hautsi zituen antolatzaileen ustez