Argia astekaria webgunearen hasiera

Adituek ezinbesteko hiru neurri ezartzen dizkiete enpresei «2000 efektua» gainditu ahal izateko. Batzuen ustez, 2000. urterako hain hilabete gutxi falta direla, berandu da dagoeneko. Nolanahi ere, horra hor hiru neurriak: lehenik enpresan arduradun bat izendatzea proiektua bere gain hartzeko hasieratik bukaeraraino; bigarrenik, enpresako ekipo informatiko (ordenadore, programa) eta elektroniko (fax, zentralita) guztien inbentarioa egin behar da; eta azkenik, sistema horietako bakoitzaren hornitzailearekin harremanetan jarri eta produktuaren egoeraz galdetu behar da.
Badira beste informazio bide batzuk ere, ordenadore bakoitzaren egoeraz jabetzen laguntzen dutenak. Horrela, Internetek programa batzuk dohainik eskaintzen ditu (www. pc.ibm.com/year2000/evaluation. html). Informaziorik gehiena eta osatuena Estatu Batuetatik dator, eta orrialderik osatuenetakoa 2000. Urtea Informazio Zentroarena da (www.year2000.com). Espainian badira aholkuak eta informazioa eskaintzen duten orri batzuk, Sedisi-rena, esaterako (www. sedisi.es/f2000.htm).
Zenbaitzuen ustez, arazo hau ordenadoreak eta programak egiten dituzten enpresek aurreikusi behar zuten eta, beraz, beraiek izan beharko lukete kalte eta galera horien erantzule. Estatu Batuetan, dagoeneko, ehun demanda inguru jarri dira epaitegietan software eta hardware egileen aurka edo galerak estaltzeari uko egiten dioten aseguratzaileen aurka. Gure artean ez dago, nonbait, horri buruzko legeriarik, eta orain arte ez da demandarik jarri epaitegietan, nahiz kontsulta ugari egin izan