Argia astekaria webgunearen hasiera

Pasaiako Portuak 1998an zehar 3.941.544 tona merkantzia mugitu zituen guztira, eta horrek % 5eko igoera esan nahi du 1997 urtearekin alderatuz. 2.108 milioi pezetako fakturazioa (84 milioi libera) izan zuen iaz, aurreko urtean baino % 3 gehiago.
Pasaiako portuko merkantzia nagusia txatarra izan zen, Gipuzkoako siderurgia enpresentzako inportazioko lehengai nagusia. 1998an marka guztiak hautsi dira gai honen garraioan, portuan mugitutako merkantzia guztiaren heren bat baino gehiago izan baitzen (1.429.000 tona), % 11ko igoera izanik aurreko urtearekiko.
Automobilen mugimenduan ere beste marka bat hautsi da. Ibilgailuak hustu edo ontziratzeko arrapala berri bat erabili ahal izateak 320.000 tonako marka historikoa lortzea ahalbidetu zuen 1998an, hau da, 1997an baino % 21 gehiago. Pasaiako portuko beste igoera garrantzitsu bat, % 151rainokoa hain zuzen, ikatzaren trafikoarena izan da, guztira 256.000 tonatara helduz. Igoera horren eragile garrantzitsu bat Pasai Donibaneko zentral termikoa izan zen, eta berau iazko urrian hasi zen jardunean.
Aipatutako igoera horien ondoan, berriz, Pasaiako portuak beherakada izan zuen siderurgia eta petrolioaren inguruko gaien trafikoan. Horrela, siderurgiako gaiek, nahiz eta trafiko kopuruan bigarren gai ugariena izan (779.000 tona), % 22ko beherakada izan zuten joan den urtean, besteak beste, esportazioen beherakadagatik eta Asiako hegoekialdeko krisiagatik.
Pasaiako portuko petrolio-gaien trafikoak aurreko urteetako beheranzko joerarekin jarraitu zuen. Trafiko hori % 18an jaitsi zen 1998an. Dirudienez, azken urteetako etengabeko beherakada hori, gaur egun petrolio gordina garraiatzeko oliobideak erabiltzeko dagoen joeraren ondorio da.
Portu honetako arduradunen iritziz, gainditua dago 1996ko finantz-egoera larria eta ez dago krisian. Nahiz eta Pasaiako badia berrindartzea ezinbestekoa izan, portu honetako arduradunen ustez, portua berez «

».
Pasaiako portuaren arazoetako bat lekurik eza da. Bertako arduradunek diotenez, arazo hori konpondu daiteke inguruan eraikitzen ari diren industrialdeetara hedatuz. Nolanahi ere, Portuko Agintaritzak Foru Aldundiarekin batera ekin beharko dio eginkizun horri datozen hileetan