Argia astekaria webgunearen hasiera

Umeekin egingo den «talk show» berria Estepan Aldamiz-Etxebarriak igandetan aurkeztuko du, maiatzaren 25ean hasita. Baleuko ekoiztetxearen saio honetan, 4 eta 7 urte bitarteko sei haur izango dira protagonistak, helduen inguruko gaiak eztabaidatzeko. «Bakarrik edo parlebu franse» saioan baino balentria gehiago beharko du ziur aski

Pausokarekin izan dituen diru istiluak konponduta, indarberriturik bueltatuko zaigu Maria Luisa/Kontxu Odriozola bereak eta bi egiteko prest. Zorioneko berria da, azken boladan txepel samar dagoen telesailari gatza eta ozpina emango baitio. Aste honetan bertan hasi dira berarekin grabatzen eta maiatza aldera izango dugu ikusgai

Argi ibili Oliver Stoneren film tripa-nahasle honekin; bortizkeria nonahitik dario-eta. Beren eztaia-bidaian ezkonberri bikote batek (Juliette Lewis eta Woody Harrelson) plazer hutsez 50 lagunetik gora hilko ditu, telebista izarrak bihurtuz. Telebistako biolentziaren gaineko hausnarketa lazgarri hau ikusteko aukera igandean, hilaren 25ean, duzue