Enkanteguneak eta zuzenbideak
Sotheby's eta Christie's dira mundu mailan ari diren subasta etxe nagusiak. Eibartar eta plentziarren antzera ari dira beraien artean, bata besteari aurrea kendu nahian. Sotheby'sek une latzak bizi izan ditu iaz, antzeman baitzen arkeologia eta arte klasikoaren materiala, lapurrak igorle, Italiako hilobi eta nekropolietatik sortzen ari zela, artea eta herrien ondarea babesteko Unidroit hitzarmenari uko eginez. Arkeologia sailari, Londresen ezabatu eta New Yorken eman diote jarraipena dagoeneko. Christie'sek, bestalde, udan jaso du Francois Pinaulten hartze-eskaintza. Aberats frantsesak 721 milioi libra esterlina eskaini ditu, Artemis bere holding-aren bitartez. Christie'sen akzioen balioa laurden batean gainditu duenez, akzionistak pozik. Ikusteke dago hartze honek Frantziako arte eta subasta mundu hertsian izango duen eragina.
Artearen arlo guztiak eskaintzen dituzten beste etxe ospetsu batzuk badaude Europan: Drouot etxea Parisen; Suitzan Koller eta Stucker dira ezagunenak; Vienako Dorotheum etxeak Pragan zabaldu du egoitza berria, ekialdeko arte demanda bereganatu nahian; Berlin metropoli kultural berriak Villa Grisebach du aipagarri.
Espainiak ere baditu etxe interesgarriak, Madrilen batez ere: Duran, Ansorena, Castellana 150 eta Finarte besteren artean. Hona hemen batzuen helbide dijitalak euren eskaintza eta agenda ezagutu nahi dituztenentzat:
Duran Subastas de Arte, Madril:
http://www.duran-subastas.es
Finarte Espaņa, Madril:
http://www.finarte.es
Sothebys, Londres:
http://www.sothebys.com
Christies, Londres:
http://www.christies.com
Gallerie Koller, Zurich:
http://www.galeriekoller.ch
Dorotheum, Viena:
http://www.dorotheum.com
Erantzunak
Erantzunik ez dago.
Izartxoaz (*) markaturiko datuak derrigorrez bete beharrekoak dira.
Lege Oharra
RSS sindikazioa