Argia astekaria webgunearen hasiera
- Azken Eguneraketa:
- 2008-11-21 09:36:32
1594.zenbakia
28. zenb.
(ARGIAko . zenbakiarekin batera banatua)
1996-10-06 -- 1594.zenb
«Goenkale»ko `casting'era aurkeztu al zinen?
«Goenkale»ko arduradunek deitu zidaten proposamena eginez, niretzako paper bat pentsatua zeukatela eta ea zer irizten nion esan zidaten. Gauza horietarako beti zabalik nengoela esan nien.
Aktore bezala zer moduz moldatu zara orain arte?
Nahiko gustura nago baina hori ikusleek esan beharko lukete. Aurkezle lanak lehen ere eginda nago eta horrek ere lagundu dit.
Harrijasotzailea izatez, orain aktore. Aktore edozein izan daitekela esango dutenaren beldurrik ez al duzu?
Ez nuke nahi horrelakorik entzutea, baizik: «tipo hau lan honetan hasi da baina ez dauka zereginik, ez du ondo egiten edo ondo egiten du». Jendeak harrijasotzaile naizela baztertu, eta nik egiten dudan lan hori analizatzea edo kritikatzea gustatuko litzaidake. Lehen telebistan ikusi nautenek, harrijasotzaile izanik ondo moldatzen naizela diote.
Niri deitu didatenerako zerbait edukiko dudala pentsaten dut, jendeak zerbait ikusiko zuela. Beharbada lehenago egin ditudan lantxo horietan oinarrituko ziren eta horregatik hots egingo zidaten.
«Goenkale»n enpresario lana egiten duzu, neurriko papera al da?
Nolabait nire adinarekin, edo nire izaerarekin lotura pixka bat eduki dezakeen papera aukeratu dutela uste dut. Familiako gizona, hiru seme-alabarekin, eta enpresaria. Baina jendeak hori Iñaki Perurena ez dela bereizi beharko luke. Iñakik ez duen portaera du enpresariak.
Jaso dituzun kiloak bezain beste atal egiteko asmoz?
Hori urrutiko lanetan sartzea da. Orain momentuan aurrenekoak egiten nahiko lan badaukat, hori gero ikusi beharko litzateke. Ez dakit hori ona izango litzatekeen niretzat eta jendearentzat.
Erantzunik ez dago. Izartxoaz (*) markaturiko datuak derrigorrez bete beharrekoak dira.
Erantzunak
© ARGIA.com
Lege Oharra
RSS sindikazioa