Zer deritzozu irakaslego propioaren inguruan EHUk zabaldu duen eztabaida prozesuari?
Irakaslego propioaren aldeko aldarrikapena aspaldikoa dugu EHUn. Irakaslego propioaren figura planteatzeko garaia heldu den ala ez erabakitzeak aurrekontsiderazio batzuk eskatzen ditu.
Ikuspuntu politiko batetik, argi dago, irakaslego propioa edukitzea herriaren autonomi politikoa indartuko lukeen autogobernu ekintza garbia dela.
Ikuspuntu akademiko batetik, ez dut uste EHUren lehentasunezko gaia denik hau. Baina edonola ere, horrelako prozesu batek gure unibertsitatearen kualifikazioko elementua izan beharko luke. Horrela, sarrerarako eskakizunak eta unibertsitate ikasketaren garapenerako behar diren baldintzak jarriko lituzkete; bikaintasuna lor daitekeen helburua izan dadin, benetako unibertsitatea.
Lege ikuspuntu batetik, nahiz eta batzuek uste duten posiblea dela irakaslego arloan LRUren garapen autonomiko bat, benetan zaila ikusten dut, oraingo legea eta organo konstituzional gorenetik eskuduntza autonomikoei buruz egiten dituzten interpretazioak ikusirik arlo honetan legislazio propioa planteatu ahal izatea.
© 2008-2011 Argia.com - Komunikazio Biziagoa
Elkarrizketak 
