Argia astekaria webgunearen hasiera
- Azken Eguneraketa:
- 2009-01-07 17:02:42
1298.zenbakia
28. zenb.
(ARGIAko . zenbakiarekin batera banatua)
1990-07-01 -- 1298.zenb
ARGIA.Nola sentitzen zara eskolarteko bertso txapeldun berria izanik?
Jon Maia.Euskadiko Txapelduna izateak izugarrizko poza sortarazten dit, orain arte izan dudan ametsa bait da. Nire adinekoen artean topea jo dudala iruditzen zait.
A.Ez al da bertso gutxi kantatzen txapelduna neurtzeko orduan?
J.M.Hori egia da, eta gainera oztopo haundia gure adinekoentzat. Besteentzat, nagusientzat alegia, agian ez da komenigarria hain bertso gutxi kantatzea, baina errezago da erregulartasuna edo oreka erakustea. Baina gu oraindik egiten ari gara bertsolari bezala, eta nahiko zaila egiten zaigu bertso lanak botatzea; gainera, bertso gutxi izatean hutsen bat eginez gero oso aukera gutxi dugu akats hori konpontzeko.
A.Atzetik gazteak eta haurrak badatozela nabarmentzeak ez al du poza ematen?
J.M.Bai, ni talde honen barne sentitzen naiz eta oso pozgarria da bertsolaritzaren mundu honetan zenbat jende mugitzen den ikustea. Ikusten da goian daudenentzat erreleboa badatorrela, bertsolaritza gero eta gehiago ari da zabaltzen, jendearen artean, irratian, telebistan...
A.Txapel hau irabazteak zer nolako aukerak zabaltzen dizkizu hemendik aurrera plazan aritzeko?
J.M.Txapel hau irabazteak ate asko zabaltzen ditu, eta jadanik igarri dut, etxera hots egin didatela hainbat ekitaltitara joan nadin. Orain arte bezala jarraituz, plazak ez zaizkidala faltako uste dut. Gainera, honelako adinarekin egin ditudan plazak ikusita ezin naiz kexatu, gutxi bait dira nire urteekin paretsu ibili direnak.
Erantzunik ez dago. Izartxoaz (*) markaturiko datuak derrigorrez bete beharrekoak dira.
Erantzunak
© ARGIA.com
Lege Oharra
RSS sindikazioa