Argia astekaria webgunearen hasiera
- Azken Eguneraketa:
- 2008-09-04 17:20:17
1258.zenbakia
28. zenb.
(ARGIAko . zenbakiarekin batera banatua)
1989-09-17 -- 1258.zenb
ARGIA.Nola gauzatzen da hautapen batzordearen lana?
HERRERO.Lana bikoitza litzateke, urritik otsaila bitarteko hilabetetan burutzen dena, eta hortik aurrerakoa. Informazio bilketa da aipaturiko lehen etaparen funtsa, oraindik filmeak ez bait daude ikusgai. Benetako hautapen lana, otsailetik aurrera gauzatzen dena da, herrialdez herrialdeko pelikula ikusketaz hain zuzen ere.
A.Zenbat pelikula ikusten dituzue urtean zehar?
H.Batzordean lau kide izanik, zehazki hautapenerako 450 bat filme ikusten ditugu bakoitzak, lauetarik bik pelikula guztiak ikusten ditugularik; beraz orotara 850 bat filme ikusten ditugu.
A.Hautapena egiteko orduan, zein dira erabiltzen dituzuen erizpideak?
H.Zinemaldiaren arauek asko murrizten dute hautapena, gainontzeko jaialdietan aurkeztu gabeak, urtekoak, fikziozkoak, 35 mm.takoak... izan behar bait dute filmeak. Geratzen den esparruaren barruan, interesgarrienak, zirrara sortzen dutenak hautatzen saiatzen gara.
A.Kriterio geografikoa kontutan hartzen al duzue?
H.Printzipioz ez, baina nazio berdin batetako filme kopuru handi baten presentzia ekiditen saiatzen gara. Dena den, ez gara nazio guztietako filmeak ekartzen saiatzen, kalitatearen araberako hautaketa egiten dugu.
A.Zinemaldiaren gaia alde batetara utziz, nola ikusten duzu zinemaren gaur egungo egoera?
H.Interesgarria suertatzen den filmeen bataz bestekoa nahiko txikia dela esan daiteke. Kalitate eskasa duten pelikula kopurua bikainak suertatzen direnak baino ugariagoa da. Urtean zehar interesgarriak diren 20 filme ikusten baldin badituzu, balantzea baikorra da, txarrak direnak ahaztu egiten bait dira.
A.Eta euskal zinemari dagokionez?
H.Euskal zinemaz hitz egin daitekenaren leloa aspaldidanik datorren leloa da. Neri egokiago iruditzen zait euskal filmeez hitzegitea. Gauza orotan gertatzen den bezala, urte hobeak eta txarragoak daude. Aurtengoari dagokionez, ez dut uste txarrena denik, baina ez gara ere baikorregi azaldu behar.
Erantzunik ez dago. Izartxoaz (*) markaturiko datuak derrigorrez bete beharrekoak dira.
Kresalako zine-klubeko zuzendari izatetik, 79ean zinemaldiko hautapen batzordeko kidea izatera ailegatutako 41 urtetako donostiarra dugu J.A. Herrero. Ordundik hona ehundaka pelikula ikusiak ditu, urtero zinema emaitza bikainena Donostiako jaialdira ekartzeko asmoz
Erantzunak
© Sareko Argia
Lege Oharra
RSS sindikazioa