M. Goikoetxea
J.A. Larrañaga, "Real Sociedad"eko jokalariari elkarrizketa
J.A. Larrañaga, Real Sociedadeko Jokalaria:
"Maite Dugun Selekzioa Da"
Futbol jokalariek ere badute zer esanik arazo honetan, beraiek bait dira azken finean projektu honen ardatza. Hauen iritzia jakiteko, Joan Antonio Larrañagarengan jo dugu, bai Espainiako eta bai Euskadiko selekzioetan jokatu duenez, zer esanik izango duela pentsatzen bait dugu.
ArgiaðZein da jokalarien ikuspegia euskal selekzioari dagokionez?
Larrañaga.ðHori projektu bat izan daiteke, baina projektu on bat izateko sarritan jokatu beharko litzatezke, eta dirudienez noizean behin jokatzea dute asmo. Beraz oraindik lan handia egin behar da.
A.ð Nork hartu beharko luke iniziatiba?
L.ðHonelako projektu bat martxan jartzeko danak hartu beharko genuke iniziatiba. Jokalariak beti egoten dira prest selekziora joateko, eta denen artean akordio batetara ailatuz gero, gauzatu daitekeen projektua dela iruditzen zait. Dena dela, Eusko Jaurlaritzak Federazioa sortzeko iniziatiba hartu beharko luke, Federaziorik ez baldin badago oso zaila bait da selekzioa osatzea.
A.ðZein izango litzateke jokalarien erantzuna?
L.ðAzken partiduan garbi geratu zen jokalariak beti daudela prest selekzioan jokatzeko. Gainera geure selekzioa da eta nik uste dut maite dugula.
A.ðNoizbait aukeratu beharra balego, zein izango litzateke zure aukera?
L.ðOrain Euskadiko selekziorik ez dago eta Espainiakoan jokatu beharra dago, izena eta kategori piskat hartzeko, baina Euskadiko selekzioa gauzatuz gero, hemengoak Euskadiko selekziora joango lirateke inongo arazorik gabe. Baina oraindik lan handia egin behar da selekzioa aurrera ateratzeko eta guk behintzat ez dut uste aukera hori izango dugunik.
A.- Zein izango litzateke selekzio honen maila?
L.ðHonetan ez dago inongo dudarik. Gure jokalari asko daude Espainiako selekzioan, eta horrek jokalarien kalitate bikaina adierazten du. Bestelde azken honetan jokatu ditugun partidutan emaitza onak lortu ditugu, joku polita egiteaz gain.
M.GOIKOETXEA
41
Gaiez\Kirola\Euskal sele
Gaiez\Kirola\Futbola\Euskal Sele
Gaiez\Kirola\Futbola\Jokalariak
Gaiez\Kirola\Futbola\Taldeak\Real Socied
Pertsonaiaz\LARRAÑAGA3
Ane Muñoz/Mikel Basabe/Idoia
Fernando Salas, torturaren kontrako elkarteko lehendakariari elkarrizketa
Fernando Salas: "GALen arazoak Estatuaren aparailu osoa ukitzen du"
Torturaren Kontrako Elkarteko lehendakaria da Fernando Salas. Izan ere, abokatu hau dugu Amedo kasuan Herri akusazioa aurrera daramana, lan honetan eman delarik ezagutzera azken parte honetan. El Naniren desagerketa, mafia poliziala, GAL, GANE... eta gisa bereko aferen salaketan buru belarri sartuta, batere argi antzeman eta hitzegin du Madrilgo Gobernua guzi honetan leporaino sartuta dagoela salatuz behin eta birritan.
Madrilgo bere bulegoan hartu gaitu ARGIAkoek lehen aipaturikoez luze eta zehatz-mehatz aritu zaigularik.
GALDERA: Nolatan sortu zen Torturaren Kontrako Elkartea?
ERANTZUNA: Duela 4 urte hasi ginen Elkarte honetan lanean, ordurarte, Torturaren Kontrako Komisioan lan egiten genuelarik; honen sorrera, Abokatu Gazteen Taldeak antolatutako Torturaren Kontrako Madrilgo Ihardunaldietan koka dezakegu.
Torturaren Kontrako Elkarteak maila guztietan laguntzen du, dirua batzerakoan, juridikoki aholkatzerakoan, bai eta infraestruktura ekintza popularraren zerbitzura jartzerakoan ere.
GALDERA: Amedo kasuan Herri akusazioaren abokatua zarenez, zer erizten diozu Entzutegi Nazionalak Amedoren buruzagi zuzenak ez epaitzeko hartu duen erabakiaz?
ERANTZUNA: Ez gaude Entzutegiaren erabakiarekin ados eta jadanik erabaki honen kontrako errekurtso bat jarri dugu. Gure eritziz, Amedo eta Dominguezen jefeak estalpean delitu egin dute, zeren hauen ekintzak ezkutuan eman bait dituzte, eta ez hori bakarrik, lagundu ere egin diete. Aldi berean, Barne Ministrari ohiari, Barrionuevori, bai eta Rodriguez Colorado Poliziaren Zuzendari orokorrari ere testimoniorik ez ondorioztatzeagatik ere errekurritu dugu. Azkenik, Entzutegiak Estatuaren ardura zibil subsidiarioa erabaki dezan eskatu dugu, gizon hauek polizia bezala prozesatu dituztelako, ez hiritar bezala.
Orduan, hasera batetan arduradunak epaitu dira, hau da, Amedo eta Dominguez, baina hauen ondoren, arduraduna Estatuak izan behar du, gizon hauek funtzionarioak direlako.
GALDERA: Ba al dago posibilitaterik Amedo eta Dominguezen gain beste norbait epaitzeko?
ERANTZUNA: Posibilitateak denak. Sumarioan datu ugari dago jadanik. eta gainera inplikazio berriak ateratzen dira egunak joan ahala, indibiduo hauen astakeriak ezagutuz goaz. GALa zer den. nola funtzionatzen duen, nor dabilen atzetik. eta abar.
Orain, gauza bat aukerak dira eta bestea errealitatea, bata Entzutegiak nahi izatea eta bestea presio politikoak txikiak edo haundiagoak izatea. Ikusiko dugu Entzutegia botere politikoaren presioen aurrean mantentzeko gai den.
GALDERA: Naniren kasuan 5 polizia kondenatu zituzten polizia gorputza eta Barrionuevo kanpo geratu zirelarik; posible al da kasu honetan berdin gertatzea?
ERANTZUNA: Ez dago inongo zalantzarik prozesu bietan Estatuaren muturra garbitzeko joera dagoela; Naniren kasuan, 5 polizia eta ez beste inor errudun direnaren inpresioa eman nahi da. eta Amedoren kasuan. ardura dutenak Amedo eta Dominguez dira. eta beste inor ere ez Hori lelokeria da. Lehendabizi. ikuspuntu penaletik erantzunkizun batzuk daude, eta horietaz gain inplikazio politikoak ere badaude.
Naniren desagerpenean, dudarik ez. Lege Antiterrorista esistitu izan ez balitz ez litzateke desagertuko. Barrionuevok ez balu legea aplikatu, poliziek munduko inpunitate guztiaz aktuatzeko askatasun osoa izan ez balute, konplizitaterik egon ez balitz... eta berdina diot GALaren gainean. GALa ez da Amedo eta Dominguez, hauek ez dute beren kabuz elkarte kriminal bat sortu. Eta ez dute beren boltsikotik finantziatu; argi dago agindupean daudela eta erakunde terrorista baten barnean nolabaiteko funtzioa bete dutela Estatuaren aparailutik muntatu den erakunde kriminal baten barne.
Horregatik diot berriro ez dugula ilusio gehiegirik egin behar prozesu judizial bat denarekin. Gauza bat prozesu judiziala da, erantzunkizun penala, eta beste bat erantzunkizun politikoa; eta hau, beste maila batetan eskatzen da edo Nanirekin gertatutakoa gertatzen da berriro: epaiketa oso polita dela eta ja ja, ja..., poliziak barrura, baina arduradun politikoak poz-pozik, esanez sententzia txalotu behar dela, Guerrak esan bezala. demokraziaren exito berri bat zela. Arrisku haundia dago hor.
Prozesu judizialek beste gauza batzundako tranpolin bezala balio liezagukete; ezin duguna egin, eskuak garbitzea da, esatea sumarioa zabalik dagoenez itxoitea badela. Hori akats bat da.
GALDERA: Torturaren Aurkako Elkartearentzat argi dago Estatu eta GALaren arteko erlazioa, ezta?
ERANTZUNA: Erlazio materialari dagokionean konbentzituta gaude Gobernuak antolatu eta finantziatu duela GALa.
GALDERA: Urtizberearen kasuan, zer deritzozu?
ERANTZUNA: Berdin.
GALDERA: Batere ikertu al da Elkartearen baitan kasu hau?
ERANTZUNA: Guri kasu hau oso garrantzizkoa iruditzen zaigu; alde batetik, GANE edo edozelakoa zerbaiten berragerpena begibistakoa delako (txakur berdinak koilare desberdinarekin). Bestetan ere, pertsona bat bahitu izan bait dute heriotz arriskuan jarriz, torturatu, era guztietako astakenak egin... Gainera, kasuari eman nahi zaion erabilera politikoa ikusten dugu. Adibidez, Gobernadore Zibilaren deklarazioa, hau txorakeria bat dela esanez, "gizon hau numerito hauek muntatzera dedikatzen dela" dena gezurra dela, gizon honek bere erakundearengatik edozer gauza egingo lukeela, masoka bat dela... izugarria da, zein mailatan esan daitezkeen honelako monstruositateak.
Egingo denaren zain gaude apur bat, HBk edo interesatuek egingo dutenaren zain. Gu Herri ekintza egiteko prest geundeke. Elkarteak parte hartu beharreko kasua dela uste dut, hau da, tortura dagoen tokian, hor egon nahi du elkarteak. Askotan ordea, medio ekonomiko eskasiagatik ezin du egon.
GALDERA: Hau izango litzateke ba. Madrildik at hartzen duzuen kasu bakarrenetakoa...
ERANTZUNA: Ez, beste batzutan ere irten gara Madrildik, baina arazoak sortzen zaizkigu, adibidez, abokatuekin. Kasua Madrilen denean guk geuk zuzenki asumitzen dugu, eguneroko bigilantzia zuzena eta efikaza bait da. Orain. gaia kanpokoa denean, kasu honetan bezala, edo Zabaltza, Reinosa... Gure problema ondokoa da, hain zuzen ere. botereak eskeini behar dizkiogula bertako prokuradore eta abokatuei. Beraz. dugun arazoa informazio arazoa da.
GALDERA: Finantziazio arazoaz mintzatu izan zarete askotan?
ERANTZUNA: Diruaren arazoa izugarria da guretzat. Ez daukagu subentziorik eta bazkideen kuotetaz bizi gara, egiten diren ekintzetaz, saltzen diren bonoetaz. Beti gaude erdi-itota, ahal duguna baino gehiago egiten dugu. Adibidez, prozesu judizialak oso garestiak dira eta hau arazo bat da, epaileek gero eta fidantza haundiagoak eskatzen bait dituzte. Legeak ekintza popularrak dohain izan behar duela esan arren. Amedo kasuko fidantza 1.000.000 pezetakoa izan zen, eta gutxien eskatzen dutenean 25, 30 mila izaten da.
GALDERA: Amedo kasuan, azkenean, milioi hori eskatzea onuragarria izan da. ezta?
ERANTZUNA: Faena bat da, milioia diru asko da, baina 48 ordutan biltzea lortu genuen eta honek jendea estimulatzeko balio izan zuen. Askotan, tankera honetako zailtasunak positiboak suertatzen dira. Baina ideala litzatekeena milioi hon beste zenbaitetan destinatua egon zedin da
GALDERA: Zenbat jende zabiltzate honetan Elkartean?
ERANTZUNA:SOO edo 600 bat bazkide gara.
GALDERA: Zer da Torturaren Aurkako Elkarteak egiten duena Amnesti International-eko informeak ikustean?
ERANTZUNA: Elkarte bezala badakigu gure baliapideak mugatuak direla baina egin izan ditugu gauzak. Torturaren egoeraren gainean Estatu mailan gauza asko aldatu dira, Gobernu sozialistaren portaera, komisaldegietako poliziena, gartzeletako egoera...
Badakigu bestalde. Barrionuevo eta torturatzaileen erantzunkizunen salaketa etengabea izan beharko litzakeela. Iaz Barrionuevoren aurkako kanpaina luzea izan genuen nekatu ginen arte. Orain, gaiarekin itota gaude nolabait eta ezin gara beste kanpaina batzutan sartu Adibidez, GALaren gaieko erantzunkizun politikoen kasuan Naniren kasukoa gertatu dela dirudi azken asteetakoa ikusirik batez ere: badirudi Estatuak berak demostratu nahi duela Amedo eta Dominguez zirela ejekutoreak, eta gero kartzelan sartu arren beste batzuengandik aldagarriak dira.
Elkarteak hor ezer gutxi igin dezake. GALaren arazoak Estatuaren aparailu osoa ikutzen du eta GALaren gai politikoa lehen mailako kuestioa da. Baina hor alderdi politikoek ez badute aurpegia ematen hau ez da ezertan geratuko.
Herri ekintzak alderdi juridikoa darama. Eta alderdi politikoek orain arteko apatiarekin jarraitzen dute, GALaren gai honetan, zenbait kazetari eta ekintza popularra salbu, beste guztiek ez dute ezer egiten. Laguntza politiko oso gutxi dakusat, eta ez dut inor kanpoan uzten. Ekintza popularrekoak eta pelikula honetan sartu garen eroak oso bakarrik gaude.
Bakoitzak bere erantzunkizunak bereganatu behar ditu, gai honek Elkartea gainditzen du; guk zerbait egin dezakegu. baina gure esku dimentsio bat ere badago.
GALDERA: Ez al dituzue alderdi politikoekin kontaktuak egin?
ERANTZUNA: Kontaktuak mundu guztiarekin egin ditugu, eta mundu guztiari iruditzen zaio zoragarria guk egiten duguna, zoriontzen gaituzte baina beti gelditzen dira hor.
Gobernua bere tokian jartzeko aukera ezin hobea da, eta pasatu egingo zaigu Gobernuaren atzean dagoen zikinkeria guztia agerian jartzeko aukera hau. Presio politikorik gabe ez dago emaitza politikorik, horixe uste dut nik. Ekintza publikoaren independentziaz aparte, presio politiko antolaturik gabe, ezkerreko indar politikoen partetik gaiarekiko ardura behar da, garrantzitsua da aporta dezaketen dena ematea. eta ez hitz polit edo pronuntziamendu soilekin konformatzea.
Orain gertatzen denarekin. azken bahiketa hau dela-ta. GALaren berragerpenarekin eta guzti honekin uste dut gaia oso arduragarria dela. Erne egon behar dugu. etsaia indartsua da eta
GALDERA: Urtizberearen bahiketa bat bezalako zerbait ere dudan jartzen denean...
ERANTZUNA: Jakina ba, eta gauza gehiago, badakizu guzti honen gaineko jarrera ofizialak dena asmatutakoa dela dioela, sumarioa kazetari batzuren muntaia dela, ekintza popularrak terroristak edo terrorismoaren laquntzaileak garela, Urtizberea masokista eta Arte Ederretako neska zoro gaiso bat dela.
Hau honela dago, eta onartzen badugu okerrago izango da oraindik, jendea hilko dute eta esango dute penagarria dela baina ez dakitela nork egin duen edo .'kontu konponketa" bat zela edo lapurreta edo erakunde berekoek muntatu dutela.
ANE MUÑOZ MIKEL BASABE IDOIA
GALa ez da Amedo eta Dominguez, hauek ez dute beren kabuz elkarte kriminal bat sortu, Estatuaren aparailuetatik sortu da baizik eta hor dago kaka,
Gauza bat aukerak dira eta bestea errealitatea, bata Entzutegiak nahi izatea eta bestea presio politikoak txikiak edo haundiagoak izatea. Ikusiko dugu Entzutegia botere politikoaren presloen aurrean mantentzeko gai den»
42-45
Gaiez\Politika\Euskal Herr\Presoak\Atxiloketak\Tortura
Gaiez\Politika\Euskal Herr\Taldeak\Parapolizialak\GAL
Pertsonaiaz\SALAS1
Egileez\MUÑOZ1\Politika
Egileez\BASABE1\Politika
Xosé Maria Dobarro idazleari elkarrizketa
Xosé Maria Dobarro: "Estatuaren Hikuntz Erabakiek Gure Literaturetan Eragiten Dute Ezinbestez''
Galeusca-k argitara emandako antologia poetikoa liburuaren aurkezpenerako Durangoko Azoka profitatu zutelarik, hantxe atxeman genuen Xosé Maria Dobarro, Asociacion de Escritores en Lingua Galega-ko idazkaria, Espriu, Ferreiro eta Arestiren poema errezitalaren ostean. Gaztelerazko gure galderei galegoz erantzun zien astiro
ARGIA.ðHiru hizkuntza, hiru literatura biltzen dira Galeuaca ihardunaldietan. Zeintzuk lirateke egoera eta arazo amankomunak?
DOBARRO.ðHiru literaturen egoera partikularra besteekiko diferentea izan arren, bada hiruon gainetikako egoera konkretua. Hau da, gaztelera hizkuntza ofizialtzat duen Estatuak hartzen dituen hizkuntz erabakiek bestelako hizkuntzak ditugun herrialdeetako literaturan eragiten dutela ezinbestez. Ondorioz, hiru literaturek arazo berdinak, edo gutxienik beretsuak, jasaten ditugu, eta egoera zapaldu honi aurre egiteko ahalbidea eskainiko duen bateratzea dugu hain zuzen Galeusca.
Bizi dugun zentralismoagatik, posible da euskal, kataluniar eta galizar literaturaz informazio gehiago izatea Madrilen, esate baterako galego batek kataluniar eta euskal literaturaz izan dezakeena baino. Geure arteko harremanak emango digu aukera denon arerio amankomuna den horrek inposatutakoari aurre egiteko, gisa berean elkarren arteko aberastasunaren faboretan arituko garela, bai literaturari berari bai eta literatur kanalei dagokienez.
Baldintza politikoak aldatzen ez diren bitartean gainera, ez daukagu erremedio prebetxuzkoagorik hiru literaturen harremana sustatu eta indartzea baino.
A.ðAdierazi duzun egoera honetan, ez ote da testimonial hutsa gertatuko halako topagune bat?
D.ðHizketaldietara soilik murriztuko bagina, noski testimonial hutsak izango litzatekeela. Eta neurri batean halaxe suertatu dira orain artekoak, kontaktu gisakoak edo. Baina aurtengo ihardunaldien amaieran hartuko ditugun ekintza erabakiek bestelakorik erakutsiko dute epe labur samarrean; eta, urrutira joan gabe, antologia poetiko hauxe bera adibide aski adierazgarria da gure eginahalen nondik norakoa eta eraginkortasuna asmatzeko.
53
Gaiez\Kultura\Literatura\Idazleak\DOBARRO1
Pertsonaiaz\DOBARRO1
Gillem Jordi Graells idazkariari elkarrizketa
Gillem Jordi Graells:"Lortu Dugu Lan Plangintza Amankomuna Bideratzea"
Associacio d'Escriptors en Lengua Catalana-ko idazkaria da Gillem-Jordi Craelis dramaturgoa. Ezaguna da euskal antzerkigintza munduan, eta euskal antzerkla ez ezik, euskal literaturaren egoera zertan den gertu samarretik jarraitzen du. Durangon solastatu ginen berarekin, eta ihardunaldiak amaitu biharamunean Donostian ere ikasi genuen.
ARGIA.ðGaleusca-k biltzen dituen hiru literatur errealitateak desberdinak izaki ere, elkarrekin lan egiteko zerk batzen dituela uste duzu?
GRAELLS.ðHiru literaturon egoera, jakina, desberdina da, bai bakoitzaren tradizio propioagatik bai bakoitzaren hizkuntzaren normalizazio mailagatik. Horregatik, amankomuntasun puntu positiboak baino, tura bezala herrialdeotan gazteleraz idazten den literatura. Halako maniobrek ez dute oraindik etsi, eta areago, egunetik egunera formula eta falanik esango nuke egoera orokor eta zapaldu amankomuna daukagula, hain zuzen ihardunaldion motorea dena.
Gure superbibentzia eta normalkuntza nola zabalkundearen aukera hiru literaturon solidaritatean datza, arerio ezagun baten aurrean, zeinak itxura anitzak eta sutilak erabiliz gure egoeraren kaltetan jokatzen jarraitzen duen. Bigarren mailakotzat hartzen gaituzte hiru literaturok, eta era guztietako erasoak nozitzen ditu gure nortasunak mekanismo hainbaten bitartez. Aipatuko dizut, esate baterako, zilegitzat jo nahi izatea galizar literatura edo euskal literatura edo kataluniar literazia berriak asmatzen dituzte eritzi publikoari begira.
Labur esanda, beraz, hiru literaturon errealitate eta nortasunaren defentsan bateratuki autre egiteko aukera eskaintzen digute idazleen arteko Galeusca ihardunaldiek.
A.ðBaina urtean behin besterik burutzen ez diren ihardunaldiok ez al daukete indarrik gabeko motore biburtzeko arriskua, baldin eta ez badira erabaki eraginkorrak hartzen?
C.ðIhardunaldiotara basterik murriztuko ez balitz Galeusca, proiektuak ez luke inolako proiekziorik izango, elkarrekin topo egin eta negar egitea baino. Eta bostgarren ihardunaldiak ospatzen ditugu dagoeneko.
Aurtengo hauetan ordea, agian hiru idazleen elkarteek beren heldutasunerako bidea hartu dutelako eta aktibitate gaitasun adierazgarria bereganatu dutelako, lan plangintza amankomun konkretu eta zabal bat bideratzea lortu dugu. Alde batetik, herriaide bakoitzeko instituzio politikoei presio egingo diegu behin betirako babes gaitzaten elkarren arteko itzulpen plangintza gauzatzen ðeta bidea errazteko, gaur egun hiru literaturetan zer egiten ari den argitaletxeei ezagutaraziko dien aidizkari informatibo bat martxan jarriko genukeð; eta bestalde, idazleen arazo konkretuago diren erreibindikapenak mamitzen jarraituko dugu, gaztelar idazleen elkarteek gure gainetik jokatzen segitzea onartu eta utzi gabe.
54
Gaiez\Kultura\Literatura\Idazleak\GRAELLS1
Pertsonaiaz\GRAELLS1
Koldo Izagirre idazleari elkarrizketa
Koldo Izagirre: "Gaztelaniaren zubitik Ez Goaz Lehorretik Lehorrera; Erdian Putzu Bat Daukagu''
Velez de Mendizabalek Euskal Idazleen Elkarteko lehendakaritza lan arazoengatik utzi behar izan zuela-eta, Koldo Izagirrek bete zuen Galeusca-ko ihardunaldietan idazkariaren behin behineko lekua. Galizar eta kataluniar idazkariei eginiko galdera berberak luzatu genizkion.
ARCIA.ðZer dute amankomunean hiru literaturok?
IZAGIRRE.ðHiru literaturok badute oinarri berdin bat; alegia ez hizkuntza berean baina bai hizkera berean idatziak direla. Hain desberdinak izanik ere hirurak, badute amankomuntasun handia, aspalditik datorrena eta oraindik urtetan iraungo duena. Antza dute elkarrengana, asmo, ezintasun eta borroka linguistiko paretsu baten daudelako Estatu berdinaren menpe gaudenez gero. Eta elkarrenganako solidaritate beharra dago, literario eta linguistikoa, Estatuak inposatzen dizkigun muga eta murrizketen aurka.
Topaketa hauetan gai jeneriko bat hartu genuen: erreformak zer ekarri duen literatura bakoitzean. Alde batetik, nolabaiteko instituzionalizatze batek mezenazgoa ekarri du (bekak, lehiaketak, subentzioak); beste alde batetik, zatiketa territoriala katalunyaren kasuan, adibidez, bi estatutan zatitua eta hegoaldean hiru komunitatetan, euskaldunen tankeratsu; Galizian, ez arazo espreski territoriala, baina galego batuaren moldatzeko Xuntaren proposamen eta lusitano zaleen arteko auzira lotuakð; eta egoeraren aurrean azken hamar urteotan gertatutako literaturaren garapena aztertu da jeneroka.
A.ðSolasaldi antzuetan besterik ez geratzeko arriskurik ez duzu somatzen?
1.ðUrtero antologia liburu bat argitaratuko da, aurten antologia poetikoa egin den gisara. Halaber, aldizkari bat ere martxan jarri nahi da, hizkuntza bakoitzean egindako literaturaren berri elkarri eman eta informazio zerbitzu eta zirkuito bilaka dadinðargitaletxe askok eskertuko dutenað. Eta bestalde ere, hiru hizkuntzen larteko urteko obrarik onanaren literatur sari internazionala sortuko da, zeina automatikoki beste bi hizkuntzetara itzulia izango den.
Inoiz hiru hizkuntzatan argitaratu den liburu bakar bat argitaratu izana urrats adierazgarria gertatu da aurtengoan, batik bat gaztelaniaren zubia etetzeko. Gaztelaniaren zubitik ez goaz lehorretik lehorrera; erdian putzu bat daukagu. Eta, lehenik eta behin, gutxienik, egoera zapaldu berdinean gauden literaturon arteko berri jakin behar dugu.
55
Gaiez\Kultura\Literatura\Idazleak\IZAGIRRE1
Pertsonaiaz\IZAGIRRE1
hemeroteka
1223. zenbakia | 1988-12-04
1222. zenbakia | 1988-11-27
Lege Oharra
RSS sindikazioa 