HARPIDETU PAPEREKO EDIZIORA!

Kultura

Feminismoa

INPRIMATU IRUZKINAK

'Zuloak', 'BYpass', 'Baztan' eta 'Emak Bakia Baita' filmak izango dira Zabaltegi Bereziak sailean

2012-08-14

Iñaki Elizalderen Baztan filma Donostiako Zinemaldian izango da.

Hainbat generotako 16 filmek osatuko dute aurtengo Donostiako Zinemaldiko Zabaltegi Bereziak saila, eta horietatik lau Euskal Herrian egindakoak izango dira: Zuloak (Fermin Muguruza), Bypass (Aitor Mazo eta Patxo Telleria), Baztan (Iñaki Elizalde) eta Emak Bakia Baita (Oskar Alegria).

Honako film hauek izan dira aurtengo Zabaltegi Bereziak sailerako aukeratu dituztenak:

7 Egun Habanan (Benicio del Toro, Pablo Trapero, Julio Medem, Elia Suleiman, Gaspar Noé, Juan Carlos Tabío eta Laurent Cantet), Asura (Keiichi Sato), The Bay (Barry Levinson), Baztan (Iñaki Elizalde), Bypass ( Patxo Telleria, Aitor Mazo), Emak Bakia baita (Oskar Alegria), Kern (Veronika Franz, Severin Fiala), Klip (Maja MILO), Ralf König, kominikien errege (Rosa von Praunheim), E Operazioa (Miguel Courtois Paternina), Hitz magikoak (enkantu bat hausteko) (Mercedes Moncada Rodríguez), Shokuzai/Penance (Kiyoshi Kurosawa), Tropicalia (Marcelo Machado), Xingu ( Cao Hamburger), Zuloak (Fermin Muguruza).

Filma euskaldunak

-Oskar Alegria kazetari, dokumentalgile eta argazkilariaren Emak Bakia Baita dokumentala bilaketa baten istorioa da. Zoriari, haizeari eta argazkien atzealdeari buruzko filma. Irakurri ARGIAk Oskar Alegria zuzendariari egindako elkarrizketa.

-Aitor Mazo eta Patxo Telleria aktore eta zuzendarien Bypass filma komedia erromantikoa da. Aktore lanetan arituko dira: Gorka Otxoa, Sara Cozar, Bárbara Goenaga, Aitor Mazo eta Unax Ugalde.

-Iñaki Elizalde film laburren egile eta dokumentalgilearen Baztan filma XVII. mendean agot deitutakoek jasandako diskriminazioari buruzko filma da.

-Fermin Muguruza musikariaren Zuloak dokumentala emakumez osatutako Zuloak rock taldearen ibilbidea erakusten du.