Zesareaz jaiotzen diren haurren kopurua gorantz doa munduan
Zesarea kopurua gorantz doa munduan eta horrek badu bere arriskua, Munduko Osasun Erakundeak 2011. urtean argitaratutako datuen arabera haurren %15etik gora zesarea bidez jaiotzea ez baita gomendagarria. Asko dira zifra hori gainditzen duten lurraldeak Europan: Portugalek (33%), Belgikak (36%) eta Suitzak (31%) Munduko Osasun Erakundearen zifra bikoizten dute. EAE gomendatutako zifraren barruan dago %13 eta %14 bitartean eta Nafarroan ozta-ozta gainditzen da %15.
Munduan zesarea gehien egiten den lurraldea Zipre da %50kin eta gutxien Mali %1,6kin (mediku eskasiarengatik). Italia da zesarea gehien egiten den lurraldea, seitik lau ume jaiotzen dira zesarea bidez.
Medikuntzan eman diren aurrerapen teknologikoek zesarea bidez jaiotako haurrak gehiago izatea ahalbidetu du. Operazio baten antz geroz eta handiagoa hartzen ari dira erditzeak. Askoz ere kontrol zorrotzagoak daude orain ospitaletan eta erosotasuna ere beste faktore bat bihurtu da, batez ere ospitale pribatuetan erditzerakoan. Ospitale pribatuetako zesarea kopuruak handiagoak dira publikoetakoak baino.
Informazio gehiago:
Erditzeko modu asko daude: bide medikalizatua, epiduralarekin edo gabe, etxean... Hemen etxean erditzeko erabakia hartu duen ama batean adierazpenak.
Kazetaritza independentea eta profesionala egiten dugu, euskaraz eta euskaldunontzat.