Nikola Smolenskik, Wikipediako kolaboratzaileetako batek, sarean dagoen hiztegi honen ingelesezko bertsioa inprimatzeko zenbat paper beharko litzakeen kalkulatu du. Eta ez dirudi ideia ona guztia inprimatzeak. 

Ikerketaren emaitzak erakusteko diagrama bat sortu du eta bertan, apal batzuk ageri dira altuera ertaineko pertsona baten alboan ezarrita. Irudia bera bakarrik nahiko esanguratsua da. Smolenskiren arabera, "25 cm-ko altuera eta 5 cm-ko lodiera duten tomoak erabiliz (400 orri inguru tomoko), eta orri bakoitzak 2 zutabe balitu, bakoitza 80 lerrokoa eta lerro bakoitza 50 karaktererekin, tomo bakoitzak 6 Mbyteko informazioa jasoko luke. Wikipediaren ingelesezko bertsioaren testuak 4,4 Gbyte okupatzen dituenez (2006ko urrian), 750 tomo beharko lirateke". Eta hori guztia, gehiago okupatzen duten irudi eta grafikoak kontuan hartu gabe.

Wikipediaren euskarazko bertsioak zenbat okupatzen duen ez dakigunez, ezinezkoa zaigu kalkulatzea guztia inprimatzeko zenbat paper beharko genukeen, baina ziur ez litzakeela gutxi izango.