Apirilaren 7an eta 8an egingo dira Udaltop topaketak

Zer da euskara euskaraz ez dakitenentzat? Haiek euskarara hurbiltzeko, zer eta nola egin daiteke udaletatik? gaia izango dute ardatz Udaltop udaletako euskara-zerbitzuen III. topaketek. Apirilaren 7an eta 8an egingo dira Lasarte-Oriako (Gipuzkoa) Manuel Lekuona kultur etxean. Matrikulazio-epea zabalik da jada, eta martxoaren 24an itxiko da: izen-emateak 80 euro balio ditu (bi egunetako bazkaria barne). Euskal Herriko hizlariez gain, Katalunia eta Valentziako hizlariek ere hartuko dute parte aurtengo edizioan. Halaber, hainbat udalen esperientzia jasoko duen erakusketa eta azoka bat ere egingo dira. Sei enpresa, elkarte eta erakundek beren zerbitzuen berri emango dute azoka horretan.

Izen-emateari buruzko informazio gehiago eta egitarau osoa: www.udaltop.com.