Martxoaren 29ko greba egunean Gasteizen larri zauritutako Xuban Nafarreteren aitak agerraldia egin zuen atzo Eusko Legebiltzarrean. Rodolfo Ares Barne sailburuak duela bi aste emandako bertsioa –Xubanek ihesi zihoala estropuz egin eta lurrera erori zela dio bertsio ofizialak– ukatu du Joseba Nafarretek, eta berretsi du semeak Ertzaintzaren gomazko pilotakada bat jaso zuela buruan. Barne sailburuaren eta Ertzaintzaren bertsioa "egia" ez dela erakusteko, auzokide batzuek grabatutako bideo hau aurkeztu du Nafarretek.
"Gure semea pilotakadaren ondorioz erori zen lurrera, eta, lurrean zela, amorruz jipoitu egin zuten", adierazi zuen Joseba Nafarretek legebiltzarrean. Aresi "egia ez esatea" egotzi zion, eta haren hitzak "zuhurtziagabeak" direla gaineratu zuen. Aipatu zuen "justizia eta egia" aldarrikatzera joan zela legebiltzarrera, baita ikerketa "justu eta inpartziala" eskatzera ere.
Gasteizko Martxoaren 3ko manifestazioaren aurka oldartzean Ertzaintzak gomazko pilotak erabili zituela salatu zuten zenbait eragilek eta pertsonek sare sozialetan, argazkiz lagunduta. Salaketak ez zuen oihartzun handirik izan, baina egia balitz gertaera esanguratsu baten aurrean... [+]
Villabonako Berdura plaza bete dute herritarrek otsailaren 13 iluntzean, Tolosako inauterietan Ertzaintzak gazte bati begia larri zauritu ziola salatzeko. Bere aitak azaldu ditu begian dituen lesio larriak eta Ertzaintzaren jokabidearekiko haserrea plazaratu du: "Ez da... [+]
16 urteko gazte billabonatar batek zauri larriak izan ditu begiaren inguruan, Ertzaintzak Tolosan igande gauean kargatu ostean. Tolosaldeko Atariak informatu duenez, pilotakada bat eman zioten.
2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]