WikiLeaks taldeak Twitter bidez adierazi duenez dokumentu berriak desklasifikatu ditzake aurki. “K Proiektu Berezia” izena eman dio egitasmoari eta prentsaurrean aurkeztuko dute datorren astelehenean Washingtonen.
Julian Assange-k sustaturiko taldeak ez du dokumentu berrien inguruko informazio gehiago eman bere webgunean eta zurrumurruak ugaritu egin dira sarean.
Mugimenduak alderdi politiko berria eratu du Australian, baina ikusteko dago herrialde hartako hauteskundeetara aurkeztuko ote den.
Assange Ekuadorrek Londresen duen enbaxadan dago babesturik 2012ko uztailaz geroztik, ustezko bortxaketa baten harira bera atxilotzea agindu baitzuen Suediako fiskal batek.
WikiLeaks-ek 2010ean AEBetako dokumentu diplomatikoak filtratu zituen; Assangeren esanetan horren eraginez hasi dute bere kontrako auzi judiziala.