Venezuelan estatu-kolpe arriskua dagoela ohartarazi du Madurok

  • Venezuelako presidenteak herrialdean estatu kolpe arriskuaren berri eman du, asteazkenetik izaten ari diren mobilizazioekin lotuta.


2014ko otsailaren 13an - 00:00
Azken eguneraketa: 2014-03-25 09:12:04
Istilu larriak Venezuelan Maduroren gobernuaren aurka. Argazkia: 20minutos

“Venezuelan kimu nazi-faxistaren aurka borrokatzen ari gara eta irabazi egingo dugu. Ez da Estatu kolperik izango, mundu osoak jakin dezala”, adierazi du Madurok,  Telesur komunikabideak argitaratu duen grabazioan.

Lau lagun hil dira Venezuelan Maduro gobernuaren oposizioak deituriko mobilizazioetan gertatutako istiluetan. Ehundaka zauritu daude, horietako batzuk egoera kritikoan. Caracasen gobernuaren aurkako manifestazio amaieran oposizioko taldeak armadaren kontra oldartu ziren.

Herrialdea jasaten ari den egoera ekonomikoaren eta Maduroren politikaren aurka kalera irten dira. Istiluek hainbat zauritu utzi dituzte, eta 30 pertsona baino gehiago atxilotu dituzte.

Manifestazioa deitu zutenek konstituzio-bermeak “bertan behera” uzteko nahia duela egotzi diote Madurori eta mobilizazio gehiago izango direla adierazi dute.

 


Kanal honetatik interesatuko zaizu: Venezuela
Miren Egiguren. Ez da kikiltzen
"Agortzen ez den iturburu bat daukat barrenean"

Venezuelatik itzuli zenetik, Tolosako Zuloaga auzoaren behealdeko parkean ematen ditu arratsaldeak Miren Egigurenek, bizpahiru lagunekin. Hantxe aurkitu dugu ekainaren bukaerako egun batean. Elkarrizketa egiteko lagunaren etxera igo garenean, Hugo Chavezen panpinarekin... [+]


2023-05-05 | Gedar
Nortasun zedula eskuratu du Asier Guridi iheslari politikoak

Urte luzez egin du borroka, nortasun juridikoa aitor ziezaiotela exijitzeko. Herrigabe eta heriotza zibil egoeran izan dute hamar urtez Venezuelan.


Angel Prado. Demokrazia komunala
"Ez dugu irla bat izan nahi"

Angel Prado Padua borrokalari venezuelarra Euskal Herriko hainbat tokitan ibili zen hilaren hasieran, El Maizal komuna sozialistaren berri ematen, Demokrazia Komunalaren Aldeko Nazioarteko Sareak gonbidatuta. Hernanin bildu ginen harekin, bere hitzaldiaren bezperan. El Maizalen... [+]


Eguneraketa berriak daude