Uribetxebarriari hirugarren gradua ezarri ala ez gaur erabakiko dute
Espainiako Espetxe Zuzendaritzak gaur erabakiko du Iosu Uribetxebarria presoari hirugarren gradua ezarri ala ez, Donostiako Ospitalearen txostenean oinarrituta. Analisien arabera, metastasia duen preso arrasatearraren osasun egoerak "ez du atzera bueltarik", Herrira plataformak herenegun aurreratu zuen moduan. Presoari hirugarren gradua ezartzea da hura baldintzapean aske uzteko lehen urratsa. Espetxe Zuzendaritzak hala erabakiz gero, kasua Auzitegi Nazionaleko Espetxe Zaintzako epailearen eskuetara pasako da, eta hark erabakiko du Uribetxebarria baldintzapean aske utzi ala ez. Astelehenean emango luke ziurrenik erabakiaren berri.
Publizitatea
 |
|
||||
2369 zenbakia. Azkena || Hemeroteka
|
Babeslea
Ale berean...
Kazetaritza independentea eta profesionala egiten dugu, euskaraz eta euskaldunontzat.