Urdaibaiko Guggenheim proiektuaren auziak eman du zeresanik aste honetan. Batetik, Jose Luis Bilbao Bizkaiko diputatu nagusia New yorken izan da, Guggenheim berriaren bideragarritasuna defendatzen. Bada, baikor itzuli da handik, Richard Armstrong Guggenheim fundazioko zuzendariak onespena eman diolako proiektuari. Aurrera jarraitzeko asmoa azaldu du Bilbaok. Behin-betiko erantzunik emango ez duena Eusko Jaurlaritza da. Bazirudien hilaren 22ko bileran bere postura apur bat argituko zuela, baina Kultura Sailak ez du epe laburrera erabakirik hartuko.