UPN

UPN eta Espainiako Gobernua salatu ditu ESAITek Iruñeko ekimenena debekatzeagatik

  • ESAITek UPN eta Espainiako Gobernuaren jarrera salatu du Iruñean emandako prentsaurrekoan. Izan ere Espainiako txirrindularitza vueltaren hasiera dela eta Euskal Herriaren nazio eskubidea aldarrikatzeko Iruñean antolatua zuten ekimena debekatu baitie.


2012ko abuztuaren 17an - 00:00
Azken eguneraketa: 2015-02-26 13:37:33

Espainiako vuelta Iruñean hasten dela eta Euskal Herriaren nazio eskubidea aldarrikatzeko hainbat ekimen antolatuak zituen ESAITek larunbat honetarako. Beti ere “arduraz” jokatzeko eta txirrindulariak “errespetatzeko”. konpromisoarekin.

Eguerdiko 12:30ean Iruñeko Santo Domingo plazatik Diputazioak duen egoitza nagusiaren aurreraino kalejiran joan eta bertan ekimenak burutzeko asmoa zuten, baina UPN eta Espainiako Gobernuak ezetza eman diete. Horren ordez, Baluarteko plazan egin beharko dute ekimena. Honez gain ESAITek kalera euskal sinbologiarekin irteteko deia egin die herritar orori, “Euskal Herria ez delako Espainia”.

Bestalde, astelehenean, abuztuak 20, Eibartik Arratera egitekoak diren mendi martxak indarrean jarraitzen du. Eguerdiko 12:30ean Eibarko Unzaga plazatik abiatuko dira.

Espainiako txirrindulari itzuliak hamazazpi urte zeramatzen Euskal Herritik pasatu gabe iaz sartu zen arte. Iaz bi etapa egin ziren, aurten berriz lau: lehena Iruñea-Iruñea, bigarrena Iruñea-Viana, hirugarrena Faustino V (Oionen dagoen upategia) – Eibar (Arrate) eta laugarrena Barakaldon hasiko da.


Kanal honetatik interesatuko zaizu: UPN
Erriberako UPNkoek haserre hartu dute Ibarrolak UPN gidatzeko egindako iragarpena

Cristina Ibarrolak iragarri du UPNko lehendakaritzarako hautagaitza aurkeztuko duela datorren apirilaren 28an alderdiak egingo duen kongresuan. Alderdiaren Erriberako lerroetan iragarpena ez bide da ongi hartu.


Euskarazko kultura eskaintzak erdaldunak diskriminatzen dituela dio Eguesibarreko UPNko alkateak

Eguesibarreko EH Bilduk kritika egin zion UPNko udal gobernuari, Gabonetako programazioan euskarazko ekitaldi gutxi zirelako, eta Xuriñe Peña alkateak erantzun zion euskarazko ekitaldiak baztertzaileak direla euskaraz ez dakitenentzat.


Asiron hasi da udal taldea prestatzen eta UPN kalera doa

UPNk oso gogor erantzun dio PSNri Iruñeko Udaleko zentsura mozioa dela medio eta inoiz ez bezalako irainak zuzendu dizkie sozialistei. EH Bildu, aldiz, ostiral goizean hasi da biltzen oposizioko taldeekin, datorren udal taldea osatzeari begira.


2023-12-13 | ARGIA
Asiron alkate
Esparza (UPN): "Iruñea EH Bilduko terroristei entregatzea da falta zitzaien azkena"

UPNko presidente Javier Esparzak adierazpen gordinak egin ditu Joseba Asiron (EH Bildu) Iruñeko alkate bihurtzeko zentsura mozioaren albistea jakin bezain pronto.


Gurutze plazako aparkalekuaz kontsulta egin nahi du Ibarrolak

Iruñeko Gurutze plazako lur azpiko aparkalekua egiteko proiektuan herritarrei kontsulta egingo diela iragarri du Cristina Ibarrola alkateak. Obraren aurka ari den herri plataformaren iritziz, Ibarrolaren noraezaren beste adierazle bat da.


Eguneraketa berriak daude