Seaskak UNESCOn bere egoera salatu ondoren Frantziari helegitea jartzea aztertuko du

  • Seaska eta Eskolim elkarteko presidente Paxkal Indok UNESCOren 37. konferentzia nagusian parte hartu du, Seaskako zuzendari Hur Gorostiaga eta Okzitanierazko Ikerketa Institutuko kide Alexis Quentinekin batera. Frantziak lurralde hizkuntzen irakaskuntza oztopatzen duela salatu dute bertan.


2013ko azaroaren 07an - 00:00
Azken eguneraketa: 2015-02-26 13:37:33
Seaskako Paxkal Indo eta Hur Gorostiaga UNESCOko egoitzan Parisen. (Argazkia: Seaska)

Paxkal Indok Hizkuntzen Berdintasunaren Aldeko Europar Sarearen izenean hitz egin du eta "Frantziak hizkuntza gutxituen aldeko hainbat Karta sinatu ditu baina ez ditu aplikatzen" jakinarazi die bilkurara bertaratutako ordezkariei.

Lau minutu eskas izan ditu Frantziako hizkuntza gutxituen egoera azaltzeko; eta Hendaiako eta Beskoitzeko ikastolen kasuak ezin izan ditu aipatu.

Hitz hartzean Frantziaren “bi aurpegiak” salatu ditu bereziki. Izan ere, Indok jakinarazi duenez “haurren eskubideak bermatzen dituzten nazioarteko itun ugari izenpetzen ditu Frantziak, baina gero ez ditu indarrean jartzen”. Frantziak behin eta berriz sinatu dituen nazioarteko itunek aitortzen dute haurrek haien ama hizkuntzan ikasteko eskubidea dutela. Baina Frantziak haren lurraldean gutxiengorik ez balego bezala jokatzen du; eta hortaz, izenpetutakoak ez ditu betetzen.

Seaskaren ekarpena entzun ondotik, Italiako ordezkari batek Frantziari helegitea jartzeko aukera dagoela jakinarazi du. Hori jakinik, helegitea ezartzeko bidea aztertuko duela esan du Seaskak.

Konferentzia nagusiaren baitan Ipar Euskal Herriko ikastolen federazioko kideek mundu osoko erakunde anitzetako ordezkariekin ikuspegiak trukatu eta sarea osatzeko parada izan dute. UNESCOrekin elkarlana hasi nahi duela jakinarazi du Seaskak eta jada jarri dira teknikariekin eta Gobernuz Kanpoko Erakundeentzako bulego berezi batekin harremanetan.

Herritarrei mobilizazioetan parte hartzeko deia

Hizkuntza gutxituek jasaten dituzten urraketen ildotik, datorren asteetarako mobilizazioak iragarri dituzte Ipar Euskal Herrian.

Euskara bere aldarrietako bat duen Batera plataformak manifestazioa antolatu du Maulen azaroaren 30erako arratseko 15:00etan abiatuta. Seaskak bertaratzeko deialdia egin die herritarrei "Bateraren manifestaldia, Seaskaren manifestaldia" delako.

Hurrengo hilean, Abenduaren 28an, Seaskak berak deitu du aldarrikapen martxa.


Kanal honetatik interesatuko zaizu: Falloux Legea
Beste urrats bat emateko zapatak lotzeko unea

Pandemiak eragindako bi urteko hutsune behartuaren ostean, Senpereko lakuak Euskal Herriko txoko guztietako pertsonak jasoko ditu igande honetan, 2022ko Herri Urratsen. Itzulera honetan zapatilak lotu eta hainbat ikuskizun eta kontzertuz gozatzeaz gain, Seaskak bosgarren... [+]


Urratsek egiten gaituzte

Manifestazio guziek ez dute zapore berdina. Maiatzaren 4an ikastolen kexua ozen adierazteko antolatutakoak sentsazio goxo batekin utzi gaitu. 7.000 haur, guraso, irakasle, langile eta euskaltzale bildu ginen, danborrada alai eta koloretsu baten bidez, Paristik datorren... [+]


Eneko Gorri
Urratsek egiten gaituzte

7.000 lagun bildu ginen Baionan, iragan maiatzaren 4an, Ikastolen kexua ozen adierazteko. Lapurdi, Baxenabarre eta Zuberoko 36 ikastolak alerta gorrian dira. Zenbait egunez mobilizazio jendetsu eta koloretsuarekin erantzun diete haur, guraso, irakasle, langile eta euskaltzaleek... [+]


Beskoitzeko ikastola
Falloux legearen oldarraldiari eutsita

Beskoitzen ez zen ikastolarik, 2013an inauguratu zuten arte, guraso batzuen etxean, hiru haurrekin. Falloux Legearen mamua hor badabil ere, gaur egun herriko etxeko lurretan, alokairuan, prefabrikatuan, 13 haur daude ikastolan.


2014-05-12 | Iera Aranburu
Seaskak bizi duen egoera larria gogora ekarri dute Herri Urratsen

Senpereko lakuan ospatu da Lapurdi, Nafarroa Behera eta Zuberoako ikastolen aldeko jaia. Miarritzen lizeo berri bat eraikitzeko erabiliko dute bildutako dirua.


Eguneraketa berriak daude