Trebiñuk Arabarekin bat egiteko tramiteak hasiko ditu

  • Trebiñuko alkate Ignacio Portillak jakinarazi duenez, Burgosetik banandu eta Arabarekin bat egiteko tramiteak hasiko dituzte. Gaztela Leongo erkidegoko Estatutuak dioenaren arabera abiaraziko dute prozedura, kazetariei azaldu dien moduan.


2013ko urtarrilaren 28an - 00:00
Azken eguneraketa: 2015-02-26 13:37:33
Trebiñuarrek maiz eskatu dute Arabarekin bat egiten uzteko. (Argazkia: zortzigarrena.blogspot.com)

Talde independente bateko kidea da Portilla. Pasa den abenduan izendatu zuten alkate, Inmaculada Ranedo PPko alkatearen aurkako zentsura mozio baten ostean. Bi hautesle talde independenteetako lau zinegotziek eta Bilduko ordezkariak babestu zuten zentsura mozioa, eta EAJ abstenitu egin zen.

Portillaren hitzetan, “arrazoi praktikoek” bultzatu dute Udala prozesua hastera. Azaldu du ikasleen %20 soilik joaten dela herriko ikastetxe publikora, gainerakoek euskal hezkuntza-sistema nahiago dutelako. Gainera, osasun zerbitzu gehienak EAEn jasotzen dituzte trebiñuarrek.

Cesar Rico Burgoseko Diputazioko presidenteak esan duenez, Trebiñu Burgoseko parte dela diote Gaztela Leongo estatutuak eta Auzitegi Konstituzionalak.

Estatutuaren hirugarren xedapen iragankorrak, ordea, aukera ematen du “banaketa-prozedurak abiatzeko”, baldintza batzuren pean betiere. Baldintza horietako batek dio udal ordezkarien bi herenek babestu beharko luketela aukera hori. Gaur egun bi hautesle zerrenda independenteek bina ordezkari dituzte Trebiñuko Udalean, Bilduk eta EAJk bana, eta PPk hiru. Bederatzi zinegotzietatik seik babestu beharko lukete, beraz. Lehen urrats bezala, Udalaren asmoa da bi hilabetean akordio bat sinatu eta Gaztela Leongo eta EAEko administrazioei helaraztea.


Kanal honetatik interesatuko zaizu: Trebiñuko konderria
2023-06-20 | Hala Bedi
Trebiñuren erabakitzeko eskubidea aldarrikatu du Gure Eskuk

Trebiñuko herritarrek bizi duten egoera "anakronikoa" salatu zuten igandean.


2022-04-04 | Hala Bedi
Hizkuntza-eskubideen urraketa etengabeak salatu dituzte Trebiñuko herritarrek

Trebiñu Araba Da plataformak arbuiatu du epaitegien aginduz Trebiñun euskara planak baliogabetu behar izana eta hezkuntza publikoan euskaraz ikasteko eskubidea ukatzea. Trebiñu Araban integratzea eskatu dute, "inposizioaren" gainetik.


2022-02-17 | Hala Bedi
"Trebiñun bozkatzera deitzen gaituzte, benetan ordezkatzen ez gaituzten agintariak aukeratzeko"

Gaztela Leongo hauteskundeen biharamunean, Xabi Iturriza trebiñarra izan dute Hizpidea saioan. Trebiñu Araba izateko arrazoien inguruan mintzatu dira berarekin. Otsailaren 26an aurkeztuko da Trebiñu Araba da! taldea.


2022-02-14 | ARGIA
Trebiñu Araba dela argi utzi dute berriro ere: %63ko abstentzioa Gaztela eta Leongo hauteskundeetan

PSOEk lortu du bozka gehien bai Trebiñun bai Argantzonen, Gaztela eta Leongo Juntarako bozetan. 1.506 pertsona zeuden bozkatzera deituak Trebiñuko barrendegian, eta horietatik 558k bozkatu dute, %37ak.


Eguneraketa berriak daude