Atzo goizean kendu zieten inkomunikazio aldia, eta arratsaldean pasa ziren epailearen aurretik, nahiz eta biek uko egin deklaratzeari. Bi egun eta erdi egin dituzte inkomunikatuta.

Inputazioaren inguruko daturik ez da, defentsa abokatuei ez baitzien autorik eman epaileak. Garak Auzitegiko iturriak zitatuz aurreratzen duenez, epaileak "iraultza zerga" kobratzearekin lotu ditu, nahiz eta abokatuek oraindik ez duten jaso Igerategi eta Otaño espetxera bidali izana justifikatzen duen argumenturik. Abokatuek atxilotuekin hitz egiteko aukera izango dute gaur, eta jada jakinarazi dute torturengatik salaketa jarriko dutela.