Thomas Erguy (Biharko Laborantzaren Elkartea): "Transgenikoen ordez, agronomia!"

  • 2007tik 2011ra bitartean Akitanian egindako esperimentu batek erakuts dezake laborantzan bateraezinak direla elkarren ondoan lantzea batetik berezko landareak eta bestetik genetikoki eraldatutakoak (OGM). Ikerlan hori burutua du INRA (Institut National de la Recherche Agronomique) erakunde ofizialak, Réseau de Semences Paysannes, Agro Bio Périgord et Bio d’Aquitaine elkarteekin elkarlanean. Orain laborarien elkarteok eskatzen dute ikerlanaren emaitzak argitaratu eta landu daitezela gehiago. Baina INRAk ez du urratsik egiten.


2014ko martxoaren 04an - 00:00
Azken eguneraketa: 2015-02-26 13:37:33
Transgenikoak baino aukera hobeak badirela uste du Erguyk (argazkia: Gaizka Iroz / Kazeta.info).

Laborarik gaiaz galdetu dio Thomas Erguy, Biharko Laborantzaren Elkarteko koordinatzaileari.

OGMek beste arto guziak kontaminatzea, ez ote da eszenario katastrofikoa?

Arto transgenikoa eta arto ez trangenikoaren artean distantzia handia utzirik ere, arriskurik gabeko kohabitazioa ez da posible. Nafarroan ikusten dugu: OGMak ekoizten dira eta arto biologikoa ez dute kutsaduratik zaintzen ahal. Ondorioz, hazleak Akitaniarat heldu dira arto erostera.

Euskal Herriko arto gorrian bezala, tokiko arto moten polinizazioa biziki urrun hedatzen da. Gainera, polinizazioa erle eta haizearen bidez egiten da, kontrolatzen ahal ez diren bi elementu. Zinez, moratorioa da tresna juridiko eraginkorrena.

OGMek laguntza teknikoa eskaintzen diotela laborariari diote teknika hauen aldekoek…

Belar txar, marmutza edota eritasun arazoak aitzinean ezartzen dituzte bai. Urte guziz artoa alor berean ekoizteak hainbat arrisku sortzen dituela erran behar liteke lehenik: lurraren ahultzea, marmutza batzuen biderkatzea, eritasunen garatzea eta belar-txar batzuen azkartzea.

Transgenikoen ordez, agronomiako praktika batzuekin problema hoiei buru egiten ahal zaie: errotazioa, lurraren estruktura lantzea, belar txarren kudeaketa mekanikoa, lurren ongarriztatze organikoa. Aterabideak badira. Teknika alternatibo eta berriztatzaileen garatzen eta hedatzen lan egiten du BLEk, kalitatzeko elikaduraren eskaintzeko jendarte osoari eta OGMn bide atzera ezinean ez sartzeko.


Kanal honetatik interesatuko zaizu: Landareak
2024-03-25 | ARGIA
Baserrien zurezko egiturak berritzen ikasteko programa martxan jarri dute mugaz bi aldeetako erakundeek

"Baserriberri" du izena programak eta langabezian diren Euskal Herri osoko 12 ikasleri zurgintza formazioa emango die, erortzear diren baserriak berritzen ikas dezaten.


2024-03-25 | Jakoba Errekondo
Ginkgoaren irrimurrika eta barre ttikia

Burua dardaratu eta ikaratu zigun ginkgoak (Ginkgo biloba). Lizar-makila denboran ginkgoa aspaldi galdutako zuhaitz espezietzat jotzen zen. Bere hostoen fosilak ezagutzen ziren, beste arrastorik ez.


2024-03-25 | Garazi Zabaleta
Hazien liburutegia
Liburuak eta haziak, aberastasun publiko

Urteak dira Nafarroan eta beste zenbait tokitan hazien liburutegi proiektuak martxan dituztela. Hazien liburutegiak, liburuen liburutegietan. Euskal Herriko Hazien Sareak antolatutako hitzaldi batean izan zuen egitasmo horien berri Ane Leturia Delfrade Antzuolako liburuzainak,... [+]


2024-03-25 | Iñaki Sanz-Azkue
Ospea ez da beti ona

Euskal Herriko muskerren artean ez da handiena, baina ziur asko, bai ezagunena. Musker berdeak, izenak dioen moduan, gorputz berdea du oso, eta ugal garaian, buru eta lepo aldea urdinduak izan ohi ditu. Gainontzean, puntu beltz txikiz osaturik izaten du gorputza, baina bere... [+]


Hazien lezioak, lan produktibo eta erreproduktiboak bereizteaz

Haziekin hamaika metafora eta hitz joko egin dira. "Zerbaiten hazia izan", "proiektu baten hazia erein", "etorkizunerako haziak"... esamoldeak ezagun zaizkigu. Zerbait berezia dute haziek.


Eguneraketa berriak daude