Tabakalerak kultur-proiektua aurkeztu du eta 2015ean egongo da martxan

  • 
    

    Kultura garaikideko sorkuntza zentroa izango da Donostiako Tabakalera, eragile ezberdinen arteko “ekosistema kulturala” landu nahi duena. Asteburuan aurkeztutako egitasmo kulturalak lau eremu landuko ditu eta 2015eko udarako dena gertu izatea aurreikusten dute.


2014ko uztailaren 07an - 00:00
Azken eguneraketa: 2015-02-26 13:37:33
Zinemaldia, Filmategia, Etxepare institutua eta Kutxa batera egongo dira Tabakaleran.


Larunbatean prentsarentzat ireki zuten eraberritze-prozesuan murgilduta dagoen tabakoen lantegi zaharra. Ane Rodriguez zuzendari kulturalak azaldu duenez, bertako eta atzerriko artisten “aterpe eta leihate” izateaz gain, ikasteko eta esperimentatzeko tokia ere izango da.



Proiektu kulturalak lau eremu landuko ditu: “hiri laborategiak”, praktika garaikideak lantzeko “ikus-entzunezko eremua”, proiektuak sustatzeko “hezkuntza eremua” eta Ubik, Tabakalerako liburutegia izango dena.



Egonaldi-programa bat ere garatuko dute, nazioartekotasunaren ideia garatzeko “gakotzat” jo dutena. Honen bitartez, kanpoko eragile eta artistak bertaratu eta bertako dinamiketan txertatzea lortu nahi dute.



Tabakaleraren webgunean dago ikusgai proiektuaren inguruko xehetasun gehiago ematen duten aurkezpen-bideoa.



Zinemaldia, Euskadiko Filmategia, Etxepare Institutua eta Kutxa batera



Zinemaldia, Euskadiko Filmategia, Etxepare Institutua eta Kutxa Fundazioa batera egongo dira Tabakaleran. Zinemaldiak eta Filmategiak lehen solairuan izango dituzte bulegoak, eta azken honek sotoan gordeko du bere biltegiaren parte.

Etxepare Institutua bigarren solairuan kokatuko da eta eta Kutxak eraikinari emango dion erabilera “laster” erabakiko duela esan du Rodriguezek.


Kanal honetatik interesatuko zaizu: Tabakalera
2022-11-29 | Leire Artola Arin
XVII. Feministaldian arrastaka doazenen arrastoa goraipatuko dute

Azaroaren 30etik abenduaren 3ra egingo dute kultura feministaren jaialdiko aurtengo edizioa, Donostiako Tabakaleran. Ahoa narras lelopean, egitarau oparoa antolatu dute: hitzaldiak, performanceak, mahai-inguruak, ibilaldiak eta beste eskainiko dituzte 25 bat artista, pentsalari... [+]


2022-06-12 | Peru Iparragirre
Ikerketa metafisikoak paper laukidunean

Hemezortzi egileren lanak biltzen ditu Emma Kunzen unibertsoa. Bide-urratzaile bat arte garaikidearekin elkarrizketan erakusketak. Emma Kunz (1892-1963) ikertzaile eta sendalari suitzarrak pendulua erabiliz egindako tamaina handiko irudiek dute zentraltasuna, eta artista... [+]


Claire Simon zuzendaria Donostian izango da maiatzean, Tabakalerak antolatu duen atzera begirako zikloan

Iaz Donostiako Zinemaldiaren azken edizioan lehen aldiz Sail Ofizialean lehiatu ostean, Euskal Herrira itzuliko da aurten Claire Simon zinema zuzendaria. Tabakaleran haren filmografia osoa proiektatuko dute apirilaren 7tik aurrera eta maiatzaren 28an, Récreations filmaren... [+]


2021-11-12 | Leire Artola Arin
Emakumeen* bizitza eta gorputzen "dardara bortitzei” helduko diete XVI. Feministaldian

Sismika leloa hautatu dute aurtengoan Plazandreok antolatzaileek, eta 30 artista, aktibista eta pentsalari baino gehiago egongo dira hitzaldi eta ekitaldietan.


2021-07-04 | Xalba Ramirez
Komunikazioa-inkomunikazioa: tradizioa eta abangoardia

Beñat Achiary, Bartzelonara bidean zen Artze anaiekin, ikuskizuna eskaintzera, txalaparta eta ahots inprobisazioa abangoardia ziren garaian –eta ez soilik ekitaldietarako betekizuna–. Auto motela, errepide luzea, aulkia erdi etzana, eguzkia kopetan, eta... [+]


Eguneraketa berriak daude