“Sharonek Arafat hiltzeko asmoa zeukala ezaguna zen”

  • Joan den astean Al Jazeera telebista kateak argitaratu zuenez, Jassir Arafat buruzagi palestinarra pozoituta hil zela pentsatzeko frogak daude. Hasieratik hori pentsatzeko motiboak zeudela dio Uri Avnery idazle eta bake-ekintzaile israeldarrak Counterpunch webgunean idatzitako artikuluan. Arafat pertsonalki ezagutu zuen eta testu horren bidez, Ariel Sharon jo du hilketaren errudun posibletzat.


2012ko uztailaren 09an - 00:00
Azken eguneraketa: 2015-03-03 13:51:30
Uri Avnery, Jassir Arafatekin.

“Badakigu honezkero hainbat zerbitzu sekretuk badituztela pozoiak, errutinazko prozeduren bidez detektatu ezin direnak. CIA, Errusiako FSB (KGBren ondorengoa) eta Mossad dira zerbitzu sekretu horietako batzuk.

Gainera [Arafat hiltzeko] aukera ugari zeuden. Arafaten segurtasun neurriak oso lasaiak ziren. Besarkatuko zituen erabat ezezagunak zitzaizkion pertsonak kausa palestinarraren babesle zirela esaten bazuten eta askotan haien ondoan esertzen zen otorduetan.

Jende ugarik nahi zuen bera hil eta bazeuzkan bideak hori egiteko. Begi-bistakoena gure lehen ministroa zen, Ariel Sharon”.

(…)

“Sharonek Arafat hiltzeko asmoa zeukala ezaguna zen. Libanoko gerrako Beiruten setioan, ez zen sekretua agenteak Mendebaldeko Beirut orrazten ari zirela non zegoen jakin nahian. Sharonen pena handia, ez zutela aurkitu.

Osloko akordioen ondoren ere, Arafat Palestinara itzuli zenean, Sharon ez zen gelditu. Lehen ministro bihurtu zenean, Arafaten biziarengatik nuen beldurra larritu zen. Gure armadak “Defentsa Ezkutua” operazioan Ramala eraso zuenean Arafaten etxean sartu ziren (…) eta bere geletatik hamar metrora geratu ziren. Nire begiekin ikusi nituen”.

(…)

“Sharoni galdetu ziotenean ea zergatik ez zuen orduan Arafat hil, erantzun zuen israeldarren presentziarekin ezinezkoa izan zitzaiola.

Dena den, nik uste dut hori aitzakia baino ez zela. AEBak izan ziren debekatu ziotenak. Amerikarrak beldur ziren, nahiko arrazoirekin, Arafat mundu guztiak ikusteko moduan asasinatuz gero mundu arabiar eta musulman osoa lehertuko zela gorroto anti-amerikarrean”.


Kanal honetatik interesatuko zaizu: Yasser Arafat
2016-03-15 | Axier Lopez
Palestinako Agintearen estrategia Israelen okupazioa iraunarazteko

Zisjordanian eta Gazan nolabaiteko gobernu autonomoaren funtzioak betetzeko asmoz jaio zen Palestinar Aginte Nazionala. Horrela jasota dago Osloko akordioetan, baina errealitatea guztiz bestelakoa da.


2014-12-22 | Axier Lopez
20 urtez negoziatzen palestinarrak okupatuta mantentzeko

Azken bi hamarkadetan, nazioarteko bitartekaritza medio, bake negoziaketa ugari abiatu dituzte Palestinako Aginte Nazionalaren eta Israelgo Gobernuaren artean. Gaur arteko emaitza bakarra izan da: Israelen okupazioa betikotzea


2014-10-16 | Martxelo Diaz
Lider baten kontraesanak

Iasser Arafaten argazkia, bere zapiarekin, Palestina askatzeko borrokaren irudia izan zen urtetan. 1974an Nazio Batuen Asanblada Nagusian egin zuen hitzaldiak aldarrikapen hau munduko txoko guztietara eraman zuen. Esku batean pistola zuen, bestean olibondo adaxka bat.


2013-11-07 | ARGIA
Baieztatuta: Arafat pozoituta hil zuten

Yasser Arafat buruzagi palestinarra polonioz pozoituta hil zen haren gorpua aztertu duen forentse talde batek jakitera eman duenez.


Arafat pozoituta hil zutela diote gorpuaren azterketaren lehen frogek

Yasser Arafat pozoituta hil zutela pentsatzeko arrazoiak hazi egin dira The Lancet aldizkari medikoak argitaratutako artikulu baten ondorioz.


Eguneraketa berriak daude