Seaskak irabazi egin du Ziburuko ikastolaren auzia. Hortaz, orain arteko eraikin publikoan segitzen ahalko du ikastetxeak. Euskal Irratiek eman dute albistearen berri.
Seaskak irabazi du Ziburuko ikastolaren auzia, beraz, orain arteko eraikin publikoan segitzen ahalko du Ziburuko ikastolak
— Euskal Irratiak (@euskalirratiak) August 14, 2014
Auzapezak hitzarmena berritzeari uko
Ziburuko auzapezak ikastolarekin zuen hitzarmena ez berritzea erabaki ostean, hauek bertan geratzea erabaki eta “eremu publikoa legez kanpo okupatzeagatik” epaitu dute.
Bi urterako hitzarmena zuten Ziburuko ikastolak eta bertako Herriko Etxeak Marinela auzoko eraikinean gelditzeko. Maiatzean, ordea, auzapezak akordioa ez berritzea erabaki zuen eta uztailaren 5ean hitzarmenaren epea bukatu zen. Lurrik eta eraikinik gabe geratzeko arriskuaren aurrean, bertan geratu ziren ikastolako langile eta ikasleak.
Ikastolak epez kanpo geratutako egun bakoitzeko ehun euroko isuna ordaintzea nahi zuen herriko etxeak.
Hastapen gogorrak izan ziren Ziburuko ikastolarenak: Herriko Etxearekin adostutako eraikinetik bota nahi izan zituen auzapezak eta argindarra moztu zien, Polizia bidaltzearekin mehatxatu, isuna ezarri… baina elkartasun uholdea jaso zuen Kaskarotenea ikastolak eta aurrera... [+]
Ziburuko auzapezak jarritako oztopei aurre egitea lortu dute Kaskarotenea ikastolako kideek. Asteazkenean hasiko dute ikasturtea haurrek ikastolaren eraikin berrian.
Igande honetan, maiatzaren 10ean, Herri Urrats 32. ekitaldia Senpereko lakuan. Ospakizunean bildutako dirua Ziburuko ikastola berria eraikitzeko izanen da.
Ez da inolako akordiorik lortu Ziburuko Kaskarotenea Ikastolaren eta Herriko Etxearen artean. Seaskak, Kaskarotenea Ikastolak, behin eta berriz azpimarratu du ikastolak zerbitzu publikoa eskaintzen duela, euskaraz ikasteko aukera emanda herriko haurrei. Laida Mujika ikastolako... [+]
Kaskarotenea ikastola Ziburun mantentzeko 300.000 euroko balioa duen lursail bat erosiko du Seaskak. Herri Urratsen bilduko den dirua erabiliko dute gastu horri aurre egiteko.