Sarrikotapeako zabortegia eraikitzeko lanak geldiarazi dituzte behin-behinekoz
Paueko administrazio auzitegiak bertan behera utzi du Sarrikotapeako (Zuberoa) hondakinentzako planta (Mendixka) eraikitzeko Bil ta Garbi sindikatuak zeukan baimena, Terre Verte elkarteak jarritako salaketa onartuta. Erabakia behin-behinekoa da. Auzitegiak kasua sakonago aztertuko du behin-betiko erabakia hartu baino lehen. Bil eta Garbik egindako hitzarmenek eta zabortegiak hartuko lukeen eremuak sortzen dute zalantza gehien.
Hondakin planta eraikitzeko lanak duela hamar bat egun hasi zituzten, poliziak obrak blokatzen ari ziren herritarrak kanporatu ondoren. Terre Verte elkarteko Jean-Bernard Serbiellek auzitegiaren erabakia txalotu du, behin-betiko erabakiaren zain daudela azpimarratu arren. Bestalde, Bil eta Garbi sindikatuko Thomas Vacheyren hitzetan, "erabakiak ez du esan nahi baimena legez kanpokoa denik".
Informazio gehiago:
Hondakinak murrizteko kanpainaren balantzea aurkeztu du Terre Verte elkarteak (Kazeta.info / 2009-10-20)
Kazetaritza independentea eta profesionala egiten dugu, euskaraz eta euskaldunontzat.