Barcina: "Aukera asko dago hauteskundeak maiatzean egiteko"

  • Yolanda Barcinak adierazi duenez, "aukera asko" dago hauteskundeak maiatzean egiteko. PSNk marra gorria gainditu duela esan du: "Zentsura mozio hori Bildurekin nahi badute, zuzenean egin dezatela".


2014ko otsailaren 13an - 00:00
Azken eguneraketa: 2015-02-26 13:37:33
Yolanda Barcinari ultimatuma eman dio PSNk (argazkia: Diario de Noticias).

"Nafar guztiak eta espainiar guztiak ikusten ari gara PSNk UPN bota nahi duela Nafarroako Gobernutik, gaindituko ez zuela esan zuen marra gorri hori gainditzeko, Bildurekin akordiotara iristekoa", adierazi du Nafarroako presidenteak, Diario de Noticias egunkariak jaso duen bezala.

Zentsura mozioa

Lourdes Goicoechea Nafarroako Ogasun kontseilaria bete-betean jo duen polemikaren ondoren PSNk Yolanda Barcinaren aurkako zentsura mozioa iragarri du.

"Barcina ez badoa zentsura mozioa iragarriko dugu bere aurka", adierazi du Roberto Jimenez PSNko bozeramaileak eta 15 egun eman dizkio dimititzeko, astelehenetik aurrera kontatzen hasita. Zentsura mozioa gauzatuko balitz, trantsizioko gobernua iragarri dute hauteskundeak egin bitartean.

UPNk gogor kritikatu du PSNren "maniobra politikoa", "faltsukeria piloa" duelako oinarri: "Ez gara hauteskundeen beldur".

2013ko apirilaren 18an ere zentsura mozioa aurkeztu zuten Bilduk eta NaBaik. Ezkerrak eta Geroa Baik bat egin zuten ekimenarekin, baina PSNk ez, eta, aurreikusi bezala, saioa ez zen aurrera atera. UPNren Gobernuaren amaiera nahi zuela, baina Bildurekin ez zuela gobernurik osatuko argudiatu zuen orduan PSNk. Bederatzi hilabete geroago, ordea, PSNk posible ikusten du zentsura mozioa.

Atzo Idoia Nieves Nafarroako Ogasuneko zuzendari ohiak Lourdes Goicoechea sailburuaren aurka egindako salaketa gogorrak sortu du lurrikara politikoa eta orain ikusi beharko da Barcinaren Gobernuak nola erantzuten duen. Gaurko 20:30etan bilduko da UPNko zuzendaritza eta gainerako alderdi guztiak ere bileretan ari dira. Edozein eratan, eta Jimenezek hala iragarri badu ere, PSNk bakarrik ezin du zentsura mozioa jarri eta horretarako beharko du oposizioko alderdien sostengua.


Kanal honetatik interesatuko zaizu: Nafarroako Gobernua
Opus Deiren bi ikastetxe segregatzaileri DBHko ituna kenduko die Nafarroako Gobernuak

Miravalles-Redin eta Irabia-Izaga ikastetxeek 1965az geroztik dauzkate ikasleak banatuta.


Estatuaren biolentziaren 41 biktima onartze bidean da Nafarroako Gobernua

Asteazken honetan prozesu horren berri eman du Martin Zabalza motibazio politikoko Biktimen Aitortzarako eta Erreparaziorako Batzordeko lehendakariak. Ostegunean, Egiari Zor Fundazioak eta Nafarroako Torturatuen elkarteak pauso garrantzitsua dela adierazi dute Iruñean... [+]


Aierdik dio Artaxoan ez zela jaso behar Gipuzkoatik zetorren inongo hondakin likidorik

Artaxoako konpostatze plantara Gipuzkoatik Nafarroara bidalitako lixibiatuek Nafarroako Gobernuko eta Gipuzkoako Diputazioaren arteko hika-mika piztu dute. Ostegun honetan Jose María Aierdi kontseilari nafarrak gaitzetsi egin ditu atzo José Ignacio Asensio diputatu... [+]


2024-01-18 | ARGIA
Nafarroako Gobernuak Baztango Erdiz inguruan magnesita meategia eraikitzeko plana onartu du

Nafarroako Gobernuak asteazken honetan onartu du proiektua udalerriz gaindiko eragina duen plan modura (UGEP), eta horren ondorioz, Magnesitas Navarras SAk 25 urtez ustiatu ahal izango du Erdizen ireki nahi duen meatzea.


Eguneraketa berriak daude