PSEko zuzendaritzak gaur erabakiko du Eusko Jaurlaritzaren 2014ko aurrekontuak babesten ote dituen. Arratsaldean, EAJrekin bilduko da Gasteizen eta ondoren argituko du aurrekontuen alde bozkatuko duen Eusko Legebiltzarrean. PSEren aldeko botoekin, aurrera aterako lirateke Jaurlaritzaren aurrekontuak.
PSEk dagoeneko adierazi du EAEko aurrekontuak negoziatzeko borondate ona duela, proiektuan islatuta ikusi dituelako aurten PSEk berak egin dituen proposamen politikoetako asko. Sozialisten hitzetan, "aurrekontuek aurreko proposamenak baino baliabide ekonomikoen erabilera hobea egiten du eta osasunean, hezkuntzan, gizarte politiketan eta enplegu sustapenean politika hobea egiten dute".
Hala ere, PSEk dio kontu eta sail guztiak "zehaztasunez" aztertuko dituela eta begiratuko duela EAJrekin hitzartu zuten "herri akordioa" betetzen al den.
Sindikatu deitzaileen arabera, ikasturte honetan Araba, Bizkaia eta Gipuzkoako sektore publikoan antolaturiko greben artean jendetsuena izan da asteartekoa, eta batez ere garraio publikoan, hezkuntzan eta udal esparruan izan du eragin handiena. Manifestazioetan 30.000 lagunek... [+]
Eusko Jaurlaritzak, sindikatuekin egindako bileran, hamar konpromiso hartu ditu. Bilera ontzat eman badute ere, hauteskundeak egitear direnez, denborarik eza azpimarratu dute sindikatuek. ENBAk adierazi du denbora gutxi dutela neurriak gauzatzeko, eta UAGAk nabarmendu du... [+]
Buruan foam jaurtigai batekin kolpea jasotako emakumeaz gain, bigarren pertsona bat zauritu zen Donostian asteartean ertzainek Realeko zaleen aurka egindako oldarraldietan. Ertzaintzak jakinarazi du kasu hau ere ikertzen ari dela.
Emakumea Donostia ospitalean ingresaturik dago, foam jaurtigaiak buruan jo eta odol isuria eragin ostean. Realaren eta Paris Saint Germainen arteko futbol partiduaren aurretik polizia agenteek egindako kargetan zauritu dute. Ertzaintzak barne ikerketa zabaldu duela jakinarazi... [+]
Udaltzain guztientzako oinarrizko ekipamendua zehazten duen dekretua onartu du Eusko Jaurlaritzak. Besteak beste, 9 mm-ko parabellum arma, munizioa, girgilluak, borra motz edo luzagarriak, txilibitua, balen aurkako txalekoa eta eskularru beltzak.