Espainiak "Pirinio erdiko korridorea" defendatuko du Frantziarekin komunikatzeko
Espainiako PP eta PSOE alderdiek Aragoitik igaroko litzatekeen garraiobideen ardatza defendatzeko 16 emendakin bateratu aurkeztuko dituzte Europar Batasunean. Informazioa El Confidencial Digital agerkari digitalak argitaratu du eta bertan diotenez, “Estatu ikuspegia” izaten ari direla diote bi alderdiek.
Kataluniako zenbait ordezkari politiko haserre azaldu dira erabaki horrekin, duela urtebete Europar Batasunak ia ziurtzat eman baitzuen Mediterraneoko eta Atlantikoko korridoreak –Kataluniatik eta Euskal Herritik igaroko direnak– lehenetsiko zituela erdikoaren aurrean.
PSCk Europan dituen bi ordezkariek ere emendakin horien kontra bozkatuko dute; Maria Badia europarlamentariak PP eta PSOEren ekimena “absurdua” dela adierazi du.
Kazetaritza independentea eta profesionala egiten dugu, euskaraz eta euskaldunontzat.