HARPIDETU PAPEREKO EDIZIORA!

albistea

INPRIMATU IRUZKINAK

'Pintura eta Unibertsitatea. NUPen bilduma' erakusketa ibiltaria abian da

2012-07-11

Fco. Javier Ezquietaren izenik gabeko margolana.

Nafarroako Unibertsitate Publikoak dituen arte garaikideko obrekin erakusketa ibiltaria jarri dute martxan erakundearen 25.urteurrena ospatzeko. Pintura eta Unibertsitatea. NUPen bilduma izeneko erakusketa Lizarrako (Nafarroa) Gustavo Maeztu museoan izango da ikusgai irailera arte.

Lizarratik Tuterako (Nafarroa) Marioa Forcada Fundaziora eramango dute, eta ondoren Iruñeko Nafarroa Museora.

25 artisten 25 obrek osatzen dute bilduma. "Obra bat urte bakoitzerako" dio Camino Pades Gustavo Maeztu museko zuzendariak. 25 obra horietatik 23 pintura eta marrazkiak dira eta beste biak Jorge Oteiza eta Antonio Eslabaren eskulturak.

Artisten zerrenda

Jose Ignacio Agorreta, Rafael Alberti, Juan Jose Aquerreta, Angel Arbe, Alfonso Ascunce, Pedro Azqueta, Javier Balda, Jose Miguel Corral, Fco. Javier Ezquieta, Luis Garrido, Elena Goñi, Joaquín Ilundáin, Fernando Iriarte, Carlos López, Pedro Manterola, Xabier Morrás, Ignacio Muro, Pedro Oses, Belen Puyo, Mariano Royo, Pedro Salaberri, Dora Salazar, Koldo Sebastián, jorje Oteiza eta Antonio Eslaba.

Gustavo Maeztuk egin du NUPek dituen obra guztien artean aukeraketa eta azaldu du unibertsitateak bilduma "esanguratsu eta zabala" duela eta Nafarroako margolanen ikuspegi "distiratsua" dela.

Ikusi albiste hau ondorengo hedabideetan: Berria