Patxi Zabaleta: "Ez dut EH Bilduren eta PSEren arteko itunik baztertzen"
Patxi Zabaleta Aralar alderdiko koordinatzaileak atzo Deiari eskainitako elkarrizketan dio ez duela EH Bildu eta PSEren arteko itunik baztertzen. Bestalde, Zabaleta ziur da EH Bilduk emaitza onak lortuko dituela EAEko hauteskundeetan.
Zabaletak gaineratu du berak espero duen moduan EH Bildu EAEko indar nagusia izatera iristen bada soluzio berriak bilatu beharko dituela, "eskuak lotuta" izan gabe. Azpimarratu du EH Bilduk ezkerreko alderdi politikoen artean elkar ulertzea bilatu behar duela.
Bere ustez guztiekin adostasunera heltzeko gaitasuna eduki behar da, eta ziur du Laura Mintegi buru izango duen Gobernuak lortuko duela hori, elkarrizketarako "jarrera eta gaitasuna" dituelako. "Dudarik gabe hautagai perfektua da", dio Zabaletak.
Hauteskunde Legearen erreformari dagokionez, aurrera egiterik ezingo ez duen "aberrazio" bat da Zabaletaren ustez, "justifikazio demokratikorik ez duen ekintza batean" oinarritzen delako.
Publizitatea
 |
|
||||
2369 zenbakia. Azkena || Hemeroteka
|
Babeslea
Ale berean...
Kazetaritza independentea eta profesionala egiten dugu, euskaraz eta euskaldunontzat.