Patxi Zabaleta: "Ezker abertzaleak egitura organiko bakarrean bildu beharra du"

  • Aralarreko koordinatzaile nagusi Patxi Zabaleta ezker abertzalea osatzen duten indarren bateratzeaz, bake prozesuaz, presoen auziaz, biktimez eta Espainiako Gobernuaren jarreraz mintzo da, besteak beste, Noticias taldeko egunkariek plazaratutako elkarrizketan.


2014ko abuztuaren 18an - 00:00
Azken eguneraketa: 2015-02-26 13:37:33
Politikaren aurreneko lerroa utzi izanaz ere mintzatu da Patxi Zabaleta 'Noticias' taldeko egunkarietan (Argazkia: Josu Santesteban / ARGIA)

Javier Nuñez eta Oscar Montero kazetariek aipatu bateratzea ekarri dute titularrera: "Ezker abertzaleak egitura organiko bakar batean bildu beharra du". Hona elkarrizketaren pasarte hori:

EH Bilduren barruan Sorturen tesiak nagusitzen ari al dira?

Ez. EAJren analisia da hori. Andoni Ortuzarrek esaten duenean ezker abertzaleak ukitzen duen oro apurtu egiten dela, ez da konturatzen ondoren bera biltzen dela, enfasi handiarekin gainera, Sorturekin. Aralarren pozik gaude euskal politikari egindako ekarpenengatik. Baina, hori esanda, uste dugu ezker abertzalearen patua bateratzea dela.

Sortu eta Aralar antolamendu-egitura berean? Aralarrek iraungitze-data duela esan nahi al du horrek?

Aralarrek betiko iraun dezake, ondasun ideologiko nahikoa garrantzitsua duelako, baina alderdiaren bokazioa 5. kongresuan idatzia dagoena da, batzuek ofizial gisa izendatzen duten ezker abertzalearekin bat egitea. Ezker abertzaleak espazio anitza izan behar du, era berean, erakunde bakarrean egitura komunak izango dituena.

EA eta Alternatiba moduko alderdiek izango al dute lekurik egitura horretan?

Noski izanen dutela. Ezkerreko ibilbide demokratikoa dute. Ez dagokit niri EAk edo Alternatibak bertan izan behar ote duten erabakitzea. Haiek esango dute. Baina badagokit esatea atea zabalik beharko luketela, hala nahi badute. (...)

Zergatik handitu da EAJren eta ezker abertzalearen arteko tentsioa?

Urduritasuna askoz ere nabarmenagoa da EAJren baitan (...). Zentro-eskuineko abertzale eta ezker abertzalearen arteko konfrontazioa inbertsio publikoengatik, aurrekontuengatik, politika fiskalengatik eta antzeko auziengatik eman behar da.

- Irakurri elkarrizketa osoa, gazteleraz.


Kanal honetatik interesatuko zaizu: Ezker abertzalea
Ezker Abertzaleko familia baten etxebizitza tirokatu zuen polizia nazional ohia epaituko dute ekainaren 11n

Polizia ohiak onartu zion Ertzaintzari berak egin zuela tiro eta agenteek legez kanpoko hainbat arma atzeman zizkioten etxean. Akusazio partikularrak 13 urte eta erdiko espetxe zigorra eskatuko du armak eta lehergailuak gordetzeagatik eta kalteak eragiteagatik. Fiskaltzak,... [+]


Non dago ezker abertzalea?

Euskal Herrian eta Europan bizi den euskal herritar bat naiz.

Europako egoera geopolitikoa kontuan hartuta, nahiz eta 2014ean hasitako gatazka izan, Mendebaldeko hedabide ofizialek Ukrainako guda deitzen duten gerra 2022ko otsailean hasi zen, eta dagoeneko hirugarren urtean... [+]


Beste emakume batek salaketa jarri du, Ertzaintzak Donostian egindako kargetan zauritu zutelako

Buruan foam jaurtigai batekin kolpea jasotako emakumeaz gain, bigarren pertsona bat zauritu zen Donostian asteartean ertzainek Realeko zaleen aurka egindako oldarraldietan. Ertzaintzak jakinarazi du kasu hau ere ikertzen ari dela.


'Bidegi auzia' berriz ireki eta txosten independentea egiteko agindu du Gipuzkoako Auzitegiak

EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]


Joseba Asiron, Iruñeko alkatea
"Iruñeko edozein auzotan haurrak euskaraz ikasteko aukera izatea, hori da legealdirako helburua”

2015-2019ko legealdian Iruñeko alkate izan ondoren, bigarrengoz errepikatzen du alkatetzan, ezker abertzaleak Iruñeko udal hauteskundeetan inoiz izandako emaitzarik onenaren ondoren, eta PSNrekin lotutako zentsura mozioaren eskutik. Abagunea ona dela dio, baina... [+]


Eguneraketa berriak daude