Otegiren epaia baliogabetzeko eskaera, epailea PPko kidea dela jakin ostean

  • Espainiako Konstituzio Auzitegiko presidente Francisco Pérez de los Cobosek PPko militante-kuotak ordaindu zituela jakin ostean, hura magistratu bezala aritu zen epaiak baliogabetzeko eskatu dute Arnaldo Otegiren abokatuek.


2013ko uztailaren 22an - 00:00
Azken eguneraketa: 2015-02-26 13:37:33
Pérez de los Cobosek PPko militante-kuotak ordaindu zituen 2008-2011 artean.

Luis Barcenasen dokumentuetan Espainiako Konstituzio Auzitegiko presidente Francisco Pérez de los Cobosen izena ere agertu da. 2008-2011 artean PPko militante kuotak ordaindu zituen.

Pérez de los Cobos 2010eko abenduaren 29an izendatu zuten Konstituzionaleko magistratu, eta pasa den ekainaren 19an hartu zuen presidente kargua.

Epaile eta magistratuek debekaturik dute alderdi politiko edo sindikatuetako kide izatea, Botere Judizialaren Lege Organikoak dioenez. Gauza bera dio Konstituzioaren 127. artikuluak: “Epaile eta magistratuek, fiskalek bezala, aktiboan dauden bitartean ezin dezakete kargu publikorik bete, ezta alderdi politiko edo sindikatuetako kide izan ere”. Artikuluaren 2. puntuak dio legeak zehaztuko duela “botere judizialeko kideen bateraezintasun-erregimena”, eta erregimen horrek “haien erabateko independentzia” bermatu beharko duela.

Espainiako Gobernuak justifikatu egin du Auzitegi Konstituzionaleko presidente Francisco Pérez de los Cobosek PPko militante karneta eduki izana magistratua zenean. 2007an, ordea, Konstituzionaleko epaileen kidetasun eta jatorriari buruzko irizpide oso zorrotza ezartzen saiatu zen. “Neurri batean lortu zuen, eta garaipen horrek bere kontra egin dezake orain”, nabarmendu du El País egunkariko Fernando Garea kazetariak.

“Auzitegi Konstituzionaleko presidentea PPko kide izateak, bera magistratu gisa aritu zen hainbat epai baliogabetzeko eskaerak eragin ditu”, dio Gareak. Arnaldo Otegi eta Baltasar Garzonen abokatuek, esaterako, haien kausei buruzko erabakiak bertan behar uzteko eskatuko dutela iragarri dute.

Abokatuek 2007an gertatutakoa erabili ahal izango dute arrazoi gisa: PPk berak hauspotutako Pérez Tremps doktrina.

Gallardonek justifikatu egin du

" Alderdi politiko bateko kide izateak ez du ardura handiko kargu baterako ezgaitzen". Alberto Ruiz-Gallardon Espainiako Justizia ministroak hitz horiekin justifikatu du Francisco Pérez de los Cobosek PPko militante kuotak ordaindu izana. Gaineratu duenez, alderdi bateko kideei ardura-kargu bat hartzeko aukera ukatzea, “oinarrizko eskubideei mugak jartzea” litzateke.

Adibide moduan bere burua jarri du Gallardonek. APko kide zela baja eman behar izan zuen fiskal bezala aritu ahal izateko.


Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
Azoka
Kanal honetatik interesatuko zaizu: Arnaldo Otegi
2023-05-29 | ARGIA
"Gaur ziklo aldaketa baten lehen urratsa eman da Hego Euskal Herrian"

Donostian festa giroan egin dituzte adierazpenak EH Bilduko Maddalen Iriarte eta Arnaldo Otegik. Joseba Asiron ere pozik agertu da Iruñean.


2021-12-23 | ARGIA
Arnaldo Otegi: "Neurri eraginkorrak hartu behar dira, ez kosmetikoak"

EH Bilduko idazkari nagusiak pandemiaren seigarren olatuak sorturiko egoera "larria" dela nabarmendu du eta koalizio abertzaleak proposaturiko hainbat neurri azpimarratu ditu, besteak beste txertaketa anbulategietatik ateratzea edo aztarnari gehiago kontratatzea.


2021-11-22 | Leire Artola Arin
EH Bilduk “erresistentziatik askatasunera” igarotzeko beharra aldarrikatu du Bilboko manifestazio jendetsuan

Euskal Herri osotik heldutako milaka pertsonak kaleak hartu dituzte, eta Arnaldo Otegik dei egin du “estatus berria” eraikitzeko “bloke historikoa” osatzera.


2019-05-27 | ARGIA
Arnaldo Otegi
"EH Bilduk sekula ateratako emaitzarik onenak lortu ditu"

Arnaldo Otegi EH Bilduko buruak eskerrak eman ditu lehenik EH Bilduren aldeko kanpaina egin dutenei, “bereziki espetxeetan horretan aritu diren presoei”. 140.000 boto gehiago lortu dituztela eta zinegotzi kopuruan Hego Euskal Herrian lehenengo indarra izan direla... [+]


2019-02-20 | ARGIA
Otegiren inhabilitazioa bertan behera gera liteke, Bateragune auziko epai europarra baieztatu ondoren

Espainiako Estatuak ez dio helegiterik jarri Bateragune auziko epai europarrari eta honenbestez, behin betikoa da sententzia. Horrenbestez, Arnaldo Otegi eta harekin batera atxilotu zituzten ezker abertzaleko kideei ezarritako zigorrak bidegabeak direla baieztatu da. Kondenak... [+]


Eguneraketa berriak daude