Nekazarien protestek Londres esne gabe utzi dezakete Joko Olinpikoetan
Esnearen prezioa ekoizpen kostuen azpitik dagoela salatu dute nekazariek.
Esneki industriak esnearen prezioa jaisteko erabakia bertan behera uzten ez badu, Erresuma Batuko nekazariek ohartarazi dute esnea botatzen hasiko direla, eta Joko Olinpikoetan ez dutela Londres hornituko. Abuztuaren 1era arteko epea eman diote industriari esnearen prezioa igotzeko.
NFU, NFU Eskozia, NFU Gales, TFA eta Farmers for Action nekazal elkarteek egin dute bat eskaerarekin, esnea ekoizpen kostuen azpitik saltzearekin nazkatuta. Euren helburua da ahalik eta nekazari gehienak batzea.
Azken egunotako protestak direla-eta, Morrinson banaketa enpresak adibidez prezioak berraztertuko dituela iragarri du.
Ikusi albiste hau ondorengo hedabideetan:
baserribizia.info
Kazetaritza independentea eta profesionala egiten dugu, euskaraz eta euskaldunontzat.