NBEren Siriarako mandatari karguan Lakhdar Brahimi izan daiteke Annanen ordezkoa
Argazkian Lakhdar Brahimi diplomatiko argeliarra.
Kofi Annanek kargua utzi ostean NBEren Siriarako mandatari berezi berria Lakhdar Brahimi diplomatiko argeliarra izango dela zabaldu dute hainbat hedabidek, azken orduko aldaketak egon daitezkeen arren.
Brahimik 78 urte ditu eta arazo diplomatikoak konpontzen hamarkadak daramatza. NBEren mandatari berezia ere izana da lehenago, Irak, Afganistan, Haiti eta Afrikaren hegoaldean.
Bestalde, 160 siriar iritsi dira gaur Italiara arrantza ontzi batean eta Siriako gatazka armatutik ihesi datozela baieztatu dute. 160 horietatik 48 haurrak dira.
Kazetaritza independentea eta profesionala egiten dugu, euskaraz eta euskaldunontzat.