NATO gehiago Ekialdean eta Obama EBri belarritik tiraka

  • Barack Obama AEBetako presidenteak iragarri du NATOk indar handiagoa izango duela Europa ekialdeko estatuetan, Krimeako krisiaren eraginez Mendebaldeak Errusiarekin dituen harremanak gaiztotu ostean.


2014ko martxoaren 27an - 00:00
Azken eguneraketa: 2015-02-26 13:37:33
Barroso, Obama eta Van Rompuy AEB-EB goi bileran (argazkia: GYI / Philip Reynaers).

Herman Van Rompuy Europar Kontseiluko presidentearekin eta Jose Manuel Durao Barroso Europako Batzordeko presidentearekin batera prentsaren aurrean agertuta iragarri ditu neurriok Obamak.

Eraso militar zuzenaren aukera bertan behera utzita, NATOren presentzia indartzea zertan gauzatu daitekeen ikusteko dago, baina baliteke Errusiatik gertuen dauden aliantzako estatuetan maniobra militar bereziak antolatzea.

2009ko Bakearen Nobel saridunak NATOko kide diren zenbait estaturen gastu militar urriagatik kezka adierazi du. “Ukrainako krisiak gogorarazten digu askatasunak prezio bat daukala”, esan du AEBetako presidenteak.

AEBen babesa akordio transatlantikoek baldintzatuta

Horrez gain, Errusiari zigor ekonomiko berriak jartzeko lan egingo dutela iragarri dute asteazkenean, energia sektorea aipatuz. Ekialdeko potentziak zuzkitzen duen gasaren hain menpeko ez izateko neurriak hartzeko eskatu die Obamak EBko buruzagiei, izan ere, Ukrainako egoerarekin agerian geratu da Batasunaren ahultasun alor horretan.

AEB prest dago Europar Batasunari laguntzeko, baina bere mesederako erabiltzen ari da egoera. Obamaren adierazpenetatik ondoriozta daitekeenez, laguntza estatubatuarra baldintzatuta dator: TTIP akordio transatlantikoko zenbait punturekin EBko buruzagiek erakutsi dituzten desadostasunak alde batera utzi beharko dituzte Errusiak eragin diezazkiekeen problemei lasaiago aurre egin nahi badiote.


Kanal honetatik interesatuko zaizu: Krimeako krisia
Krimeako tatarerazko telebista lizentziarik gabe utzi du Errusiak

Krimeako tatareraz lan egiten duen munduko telebista kate bakarra, ATR, lizentziarik gabe utzi du Errusiak. Erabakia teknikoa izan dela adierazi diete Nationalian irakur daitekeenez, legedia betetzeko eskabideak ez dituela garaiz bete argudiatuz. Internet bidez emititzen... [+]


2015-03-26 | Ibai Trebiño
Sebastopol "hiri heroikoa"

2014ko otsailaren 28an; Sebastopolen milaka pertsonek Nakhimov almirantearen plaza hartu eta hiriaren defentsa antolatzen hasi ziren. Egun batzuk lehenago, Kieveko Maidan plazako ekintzaile europarzaleek eraikin publikoa okupatu eta botere aldaketa bortizki gauzatu zuten.


Eskoziaren independentzia onartzeko prest da Espainia, Salmondek dioenez

Alex Salmond Eskoziako ministro nagusiak jada adostu du Espainiako Gobernuarekin Eskoziak independentzia lortzen badu, onartu egingo duela.


Eguneraketa berriak daude