Nafarroako euskara zerbitzuak diru-laguntzarik gabe utzi ditu Euskarabideak

  • Nafarroako euskara zerbitzua duten mankomunitateek eta udalek salatu dute aurten Nafarroako Gobernuko Euskarabideak ez diela dirurik emango. Horren aurrean, “hizkuntza politika egokia” aldarrikatu dute.


2013ko abenduaren 24an - 00:00
Azken eguneraketa: 2015-02-26 13:37:33
Euskararen Nafarroako Institutua da Euskarabidea. (Arg: Euskarabidea)

2013ko aurrekontuetan azaltzen da euskara zerbitzuentzuei bideratzeko diru kopuru jakin bat. Yolanda Barcinaren Gobernuak, baina, ez ematea erabaki du.

Bart eskainitako prentsaurrekoan egoera kritikatu dute hainbat alkatek eta mankomunitateko ordezkarik. Hizkuntza normalizazioan “aurrera” egin ahal izateko neurri eraginkorrak eskatu dizkiote Exekutiboari.

Sakanako Euskara Mankomunitateko ordezkari Maite Aldazek euskararen kontrako eraso bezala identifikatu du gertatutakoa: “Lehenbizi euskal hedabideak utzi zituzten laguntzarik gabe; gero, euskaltegiak; eta orain guri egokitu zaigu”.

Lehiakortasuna bultzatzen

Jakinarazi dutenez, lehiaketa publikoaren bidez egin ditu Gobernuak azken bi urtetan diru-esleipenak. Aurten, ordea, ez du lehiaketa deitu ere egin.

Gainera, dirua kudeatzeko era hori ez da eraginkorrena euskara zerbitzuetako kudeatzaileen arabera; orain bi urte Gobernuak hitzarmenen bidez banatzen zien dirua. Zerbitzuetako ordezkariak “lehiakortasunetik gabeko” sistema baten alde daude.

Gauzak horrela, Hezkuntza Departamenduko buru Jose Iribasekin biltzen saiatu dira, baina oraindik ez die datarik eman.


Kanal honetatik interesatuko zaizu: Euskara Nafarroan
Apirilaren 24an izanen da Iruñerriko III. Mintzodromoa

Iruñerriko AEK, Iruñerriko IKA, Iruñeko Hizkuntza Eskola Ofiziala, Zubiarte euskaltegi Publikoa eta Iruñerriko Mintzakide egitasmoa berriz ere elkartu dira Iruñerrigo hirugarren Mintzodromoa antolatzeko. Geltokin izanen da hitzordua... [+]


2024-03-18 | Leire Artola Arin
ANALISIA
Nork egingo du euskara ofizial?

Korrikak lehen asteburua Nafarroan egin du, eta argi ikusi dugu ez dagoela Nafarroa bat, ez eta hiru ere, baizik eta hainbat. Herriz herri egoera soziolinguistikoa eta euskaltzaletasuna erabat aldatzen dira, eta Korrika ere izan da horren lekuko.


Korrika larunbatean abiatu da Nafarroako Lokizaldean

Lokizaldeako Euskararen Egunaren barnean Korrika Txikiak zeharkatu ditu Iturriagako inguruneak. Urteak direla hasi ziren eguna ospatzen, eremu ez-euskaldunean kokatuta zegoen eskualdean Korrikaren kilometroak erosteko. Giro ederrean gozatu dute egun osoko egitaraua.


2024-02-29 | ARGIA
Euskalgintzaren Kontseiluak dio euskara "mespretxatzen eta gutxiesten" duela Nafarroako Kontseiluak

Eremu mistoko Osasunbideako zerbitzuetako lanpostuetan euskararen ezagutza meritu gisa baloratu ahal izatearen aurka agertu da Nafarroako Kontseilua azken irizpen batean. Otsailaren 21ean eman zuen argitara. Aldiz, ingelesa, frantsesa eta alemanaren ezagutzak puntuatzen du... [+]


Eguneraketa berriak daude