Nafarroako erlijio erakundeek ez dute ondasun higiezinen zerga ordaindu beharko

  • Nafarroako elizek ez dute zergarik ordainduko Espainiako Auzitegi Konstituzionalak hala ebatzita. Eliza Katolikoari ez ezik, gainerako erlijioei ere eragingo die erabakiak.


2013ko abenduaren 06an - 00:00
Azken eguneraketa: 2015-02-26 13:37:33
Nafarroako Parlamentuaren erabakiaren aurka jo du Espainiako Auzitegi Konstituzionalak

Otsailean PSN eta Izquierda-Ezkerrak aurkeztutako proposamenaren ildotik elizei ondasun higiezinen zerga ordainaraztea onartu zuen Nafarroako Parlamentuak. Uztailean Espainiako Ministroen Kontseiluak lege horren aurkako helegitea aurkeztu zuen, eta orain Espainiako Auzitegi Konstituzionalak foru legea baliogabetu du.

Nafarroako Parlamentuak onartutako lege moldaketa hori Konstituzioaren aurkakoa dela dio epaiak. Izan ere, Askatasun Erlijiosoaren Lege Organikoan jasotzen denez Espainiak Eliza Katolikoarekin eta komunitate ebanjeliko, israelita eta islamikoarekin duen konpromisoa urratzen du foru legeak. Horretaz gain, Nafarroak zergen alorrean dituen ardurak gainditzen dituela adierazten du ebazpenak.

Hortaz, hemendik aitzina, Nafarroako elizek haien eraikinengatiko zergak ordaintzeaz salbuetsiko ditu Espainiako Gobernuak.


Kanal honetatik interesatuko zaizu: Ogasuna
Analisia
Erreforma fiskala, oraingoz ezta ere

Atera berri dituzte zerga bilketaren datuak Araba, Bizkaia eta Gipuzkoako foru ogasunek, eta ikusi dugu inoiz baino diru gehiago jaso dutela. Berehala iragarri dute erreforma fiskalari buruzko gogoetarako beharrezko tartea hartuko dutela, ez dagoelako presarik, ezta premia... [+]


2023-07-21 | Gedar
Txosnak 'TicketBai' erabiltzera behartu nahi ditu Gipuzkoako Foru Aldundiak

"Irabazi-asmoa" dutela iritzita, "Ogasunean izena ematera" beharko dituztela iragarri du Eider Mendoza Gipuzkoako Ahaldun Nagusiak.


2023-02-01 | ARGIA
Araba, Bizkaia eta Gipuzkoan fiskalitatea aldatzeko asmoa agertu dute EAJk eta PSOEk

Bi alderdiek azaldu dutenez "elkarrizketak" abiatu dituzte zerga sistemaren inguruko erreforma egiteko. Helburuetako bat "progresibitatea handitzea" izango dela diote, baina prozesua udal eta foru hauteskundeen ondoren amaituko dela ohartarazi dute.


Analisia
Fiskalitate desberdina

Pertsona Fisikoen Errenten Zerga deflaktatuko du beste behin Eusko Jaurlaritzak urtarrilaren 1etik aurrera, oraingo honetan %5,5, Iñigo Urkulluk Eusko Legebiltzarrean iragarri duenez. Aditu eta ekonomialari askoren aburuz, baina, neurri horrek desberdintasun sozialak... [+]


Eguneraketa berriak daude