Ana Zabalegui.

Ana Zabaleguik Nafarroako Kultura departamenduan daramatzan lehen hilabeteez eta aurrera begirako proiektuez mintzo da Diario de Noticias egunkariak egindako elkarrizketan. Pasarte batzuk euskaratu eta hona ekarri ditugu.

Kultura eta politika

"Uste dut kultur kudeaketa publikoan batzuetan kultur politikak falta direla, ez soilik Nafarroan, Espainia osoan baizik. Ulergarria da bizi berri duguna bezalako aurrekontu-etapa batean alderdi politikoen jokoa beste izaera batekoa izatea. Baina, adibide bat jartzearren, telebistako eztabaida batean ikusi nuen PP eta Bildu kultura kontuetan besterik ez zetozela bat".

Zerbitzu publikoak

"Zerbitzu publiko guztiak ez dira berdinak. Esaterako, osasuna eta hezkuntza zerbitzu unibertsalak dira; ordaindu egiten ditugu eta guztiongana heltzen dira. (...) Baina, era berean, nik ez nuke bizitza ulertuko kulturarik gabe. (...) Urte batzuk aurrerago Nafarroa sozio-ekonomikoki garatua izatea nahi badugu, argi dago kultura garatu beharra dagoela".

Mezenasgoa

"Mezenasgoaz hitz egitean, eredu amerikarraz ari gara, eta nik uste dut ezin dezakegula hura erabili, gure gizartea, gure zerga-sistema, publikoa eta pribatua ulertzeko moduak, arras desberdinak direlako. Beraz, formula propioa garatu beharko da. Aitzitik, norbanakoen ekarpenen esparruan lan egin dezakegula uste dut, crowdfunding deritzon horretan; ekintza horiek desgrabatu egingo lirateke, kirol kontuetan gertatzen den moduan".