Monsantok bere irudia garbitu nahi du arto transgenikoak minbizia eragiten duela frogatuta geratu ostean
Monsantoren arto transgenikoak minbizia eragiten duela frogatzen zuen ikerketa argitaratu ondoren multinazionalak bere irudia garbitu nahi du. Monsantoko buruzagi batek ikerketak sortu dituen erreakzioak biltzen dituen txostena zabaldu du hedabideetara. Ustez adituen iritziak dira txostenean bildutakoak eta ikerketaren kontrako mezua zabaltzea dute helburu.
Gilles-Éric Séraliniren ikerketak azaldu zuen, Monsantoren arto transgenikoaren eta Roundup herbizidaren ondorioak uste baino askoz kaltegarriagoak direla. Monsantok erabaki du haren irudia garbitzeko zortzi zientzialariren iritziak erabiltzea eta Science Media Centre albiste zientifikoen atariaren bidez zabaltzea.
Science Media Centre %70ean korporazioek finantzatutako egitasmoa da eta bioteknologiaren alorreko enpresa asko daude egiten dituen ikerketen atzean. Argitaratutako iritzi horiek zientzialari frantsesaren lana mespretxatzen dute.
Momentuz estrategia funtzionatzen ari dela dirudi: Reuters agentziak Séraliniren ikerketari buruz argitaratutako informazioan aipatutako hiru iturri Science Media Centrek argitaratutako txostenean aipatutako zientzialariak ziren.
Kazetaritza independentea eta profesionala egiten dugu, euskaraz eta euskaldunontzat.