Mixel Lekuona zendu da
Mixel Lekuona atzo arratsaldean hil zen gaixotasun luze baten ondoren. 1930ean Biriatun (Lapurdi) jaioa Agerre Bordan, 1954an apaiz sartu zen. Beti izan zuen amalurrarekiko lotura berezia. Artzain lanean aritua, makina bat aldiz bisitatu zituen Ipar eta Hego Euskal Herriko artzainak. Hazparneko Laborantza Eskolan irakasle eta diruzain lanetan aritu zen. Makeako (Lapurdi) erretore izendatu zuten ondoren, eta han egin zituen 27 urte.
Gizarte gaiez arduratu izan zen eta inguruko herri eta auzoetan gazteentzako lana, abeltzaintza, artzaintza, laborantza, bertsolaritza eta euskalgintza gaiak lantzen zituen, besteak beste. Horren adibide da Bertsularien Lagunak Elkartearen bultzatzaile nagusietako bat izana.
Joxemari Iriondo kazetariak Mixel Lekuona, artzainen artzain liburua argitaratu zuen Lur bilduman 2008an. Sabin Intxaurraga, Iñaki Murua, Pello Esnal, Imanol Lazkano eta Xabier Euzkitzek Lekuonari buruz idatzi zuten.
2005eko Gipuzkoako Artzain Egunean omenaldia egin zioten.
Madrilgo queer mugimenduan kokatzen nuen taldea, eta orain gutxi bere esentzian –zuzenekoan– ezagutzeko aukera izan nuen. Orduan jakin nuen Argentinan jaio baina gaztetan Madrilera joandako Belenek (ahotsa eta gitarra) sortu zuela taldea, eta Mariarekin (bateria eta... [+]
Baltimore ibai gaineko zubiaren erorketa urte bukaerako oroimeneko irudien artean jasoko da, zubi baten erorketa ikuskizun zirraragarri eta salbuespenekoa baita. Zeren eta zubiak eta eraikinak ez dira berez erortzen, lehergailu edo artefaktu baten eztandak bat-batekotasunaren... [+]
Eguzkiarekiko gertutasunak moldatu egin ei du Lurrak duen abiadura, eguzkia inguratzeko mugimenduan. Beste abiadura batzuk ere badira, ordea, eta balirudike lurraren abiada gero eta azkarragoa dela edo, bederen, aldaketak etengabean ditugula orpoz orpo jarraika. Egoera honetan,... [+]
Martxoan Iruñean egin zen liburu denden kongresuan ezagutu nuen Elisabeth sortzaileen lana pasioz defendatzen Adimen Artifizial sortzailearen aurrean. Handik gutxira elkarrizketa egiteko gelditu ginen Bolognako Liburu Azokara eta Kolonbiara joan aurretik. Aitortzen dut... [+]
