Masek ez du independentziaren aldeko giza katean parte hartuko
Artur Mas Kataluniako presidenteak ez du irailaren 11ko ‘Via Catalana cap a la Independència’ ekimenean parte hartuko, baina gobernukideen esku utzi du bertaratzeko aukera. Horren ordez, Kataluniako Batzar Nazionalaren (ANC) ordezkaritzarekin bilduko da presidentea.
ANCk Generalitateko kontseilariei giza katearen Bartzelonako Sant Jaume plazako zatia gorde diela iragarri zuen duela bi aste, eta badira bertan izango direla aurreratu duten gobernukideak. Osasun eta Barne kontseilariei aldiz, larrialdien eta Mossoen kudeaketa dagokie, eta ez dute parte-hartzerik izango, baina ekimena txalotu dute.
Francesc Homs Generalitateko bozeramaileak positiboki baloratu du ekimena, nazioa sendotzen lagunduko duelakoan. Haatik, bakoitzak bere betebeharra zein den bereizi behar duela uste du. “Irailaren 11n herritarrak izan behar dute protagonista. Gobernu-erakundeon ardura gure eginkizunak ahalik eta hobekien betetzea da; herritarrei ostera, bultzatzea dagokie”.
Independentziarako bidea
Irailaren 11n festa nazionala da Katalunian, Diada. Pasa den urteko indar erakustaldia gaindituko duen ekimena jarri dute martxan: Via Catalana cap a la Independència (Bide Katalana Independentziarantz). Herrialdea iparretik hegora zeharkatuko duen 400 kilometrotik gorako giza kate erraldoia da. ANCk antolatu duen ekimenak Bartzelona, Girona eta Tarragona bezalako hiriak lotuko ditu besteak beste. Ikus-entzunezko hau sortu dute 'Via Catalana' iragartzeko:
Elkartasun ekintzak Euskal Herrian
Kataluniako herriari elkartasuna adierazi nahian, irailaren 7rako zenbait ekintza antolatu ditu Independentistak Sareak Hego Euskal Herriko hiriburuetan. Kataluniarrei babesa adierazteko, giza katea osatuko dute, munduan zehar beste hainbat herrialdetan egingo duten moduan, Ostegunean prentsaurrekoa emango dute Bilbo, Donostia, Iruñea eta Gasteizen antolatuko diren ekintzen ordua eta kokapena zehazteko.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]