Martí Gasull katalanaren aldeko ekintzailea hil da Manaslun
Martí Gasull katalanaren aldeko ekintzailea eta mendizalea Himalaiako Manaslu mendian hil berri da, istripuz. 1993an, Plataforma per la llengua erakundearen sortzailea izan zen filosofo eta filologoa, eta gaur egun, erakundeak adierazi duenez, katalanaren aldeko ekintzaile eta borrokalari nagusia zen.
Plataforma per la llenguak 20 erakunde eta 4.000 pertsona biltzen ditu. Erakunde honek ondoko aldarrikapenetan egin du lan, besteak beste: filmak, etiketajeak eta publizitatea katalanez izan daitezen; eta etorkinei katalana irakatsi diezaieten. Plataforma per la llenguak webgunean adierazi duenez, Gasull “katalanarekin, kultura katalanarekin, gizateriarekin eta gure herriaren aldeko borrokarekin konprometituta zegoen”.
Kazetaritza independentea eta profesionala egiten dugu, euskaraz eta euskaldunontzat.